പ്രായപൂര്‍ത്തിയാകാത്ത സ്വന്തം സഹോദരിയെ പതിവായി ബലാത്സംഗം ചെയ്ത് ഗര്‍ഭിണിയാക്കി രണ്ട് സഹോദരന്മാര്‍. ഇരയായ പെണ്‍കുട്ടി ഗര്‍ഭിണിയായതോടെയാണ് സംഭവം വെളിവായത്. ഉത്തര്‍പ്രദേശിലെ ഗാസിയാബാദ് ജില്ലയിലാണ് സംഭവം നടന്നത്. സ്വന്തം സഹോദരിയെ സ്വന്തം വീട്ടില്‍ വെച്ച് ബലാത്സംഗം ചെയ്ത രണ്ട് സഹോദരന്മാരെ പോലീസ് അറസ്റ്റ് ചെയ്തു. പീഡനത്തിനിരയായ പെണ്‍കുട്ടി ഗര്‍ഭിണിയായതോടെയാണ് ഇക്കാര്യം പുറത്തറിഞ്ഞത്. ഇരയുടെ അമ്മ നല്‍കിയ പരാതിയുടെ അടിസ്ഥാനത്തില്‍ രണ്ട് പ്രതികള്‍ക്കെതിരെയും പോലീസ് കേസെടുത്തു.

ഗാസിയാബാദ് ജില്ലയിലെ തില മോഡ് പോലീസ് സ്റ്റേഷനു കീഴില്‍ താമസിക്കുന്ന 14 വയസ്സുള്ള ഇരയായ പെണ്‍കുട്ടി എട്ടാം ക്ലാസില്‍ പഠിക്കുന്നതായാണ് വിവരം. രണ്ട് സഹോദരന്മാരില്‍ ഒരാള്‍ക്ക് 20 വയസ്സും മറ്റേയാള്‍ 23 വയസ്സുമാണ്. ഇരയുടെ അമ്മ വീടിന് പുറത്ത് പോയതിന് ശേഷം രണ്ട് സഹോദരന്മാരും ചേര്‍ന്ന് സഹോദരിയെ കൂട്ടബലാത്സംഗം ചെയ്യുകയായിരുന്നു. സംഭവം ആരോടെങ്കിലും പറഞ്ഞാല്‍ കൊന്നുകളയുമെന്നും പ്രതികള്‍ പെണ്‍കുട്ടിയെ ഭീഷണിപ്പെടുത്തി.

കഴിഞ്ഞ ഒരു വര്‍ഷമായി രണ്ട് സഹോദരന്മാരും സഹോദരിയെ ലൈംഗികമായി ചൂഷണം ചെയ്യുകയായിരുന്നു. ഇതോടെ പെണ്‍കുട്ടി ഗര്‍ഭിണിയായി. ശനിയാഴ്ചയാണ് പ്രായപൂര്‍ത്തിയാകാത്ത പെണ്‍കുട്ടിക്ക് വയറുവേദന അനുഭവപ്പെട്ടത്. അള്‍ട്രാസൗണ്ട് പരിശോധനയ്ക്കായി അമ്മ ഡല്‍ഹിയിലെ ഒരു ഡയഗ്നോസ്റ്റിക് സെന്ററിലേക്ക് കൊണ്ടുപോയി, അവിടെ വെച്ച് പെണ്‍കുട്ടി 22 ആഴ്ച ഗര്‍ഭിണിയാണെന്ന് സ്ഥിരീകരിച്ചു. ഇതിനുശേഷം, ഇരയുടെ അമ്മ പെണ്‍കുട്ടിയെ തില മോഡ് പോലീസ് സ്റ്റേഷനിലേക്ക് കൊണ്ടുപോയി. രണ്ടുമക്കള്‍ക്കും എതിരെ അവര്‍ രേഖാമൂലം പരാതി നല്‍കി.

അമ്മയുടെ അഭാവത്തില്‍ പ്രതികള്‍ ഇരയെ ബലാത്സംഗം ചെയ്യാറുണ്ടെന്ന് ഷാലിമാര്‍ ഗാര്‍ഡന്‍ അസിസ്റ്റന്റ് പോലീസ് കമ്മീഷണര്‍ (എസിപി) സിദ്ധാര്‍ത്ഥ് ഗൗതം പറഞ്ഞു. ബലാത്സംഗം ആരോടെങ്കിലും പറഞ്ഞാല്‍ കൊല്ലുമെന്ന് പ്രതികള്‍ ഇരുവരും ഭീഷണിപ്പെടുത്തിയിരുന്നു. പ്രതികള്‍ക്കെതിരെയുള്ള ഐപിസി 376 ഡി (കൂട്ടബലാത്സംഗം), പോക്സോ നിയമത്തിലെ പ്രസക്തമായ വകുപ്പുകള്‍ എന്നിവ പ്രകാരമാണ് കേസെടുത്തിരിക്കുന്നത്. ഈ വിഷയത്തില്‍ അന്വേഷണം പുരോഗമിക്കുകയാണ്.