പശ്ചിമ ബംഗാളില് റേമല് ചുഴലിക്കാറ്റ് കരതൊട്ടു... 110 മുതല് 120 കിലോമീറ്റര് വരെ വേഗതയിലാണ് ചുഴലിക്കാറ്റ് വീശുന്നത്, ബംഗാളിലെ തീരപ്രദേശങ്ങളില് കേന്ദ്ര കാലാവസ്ഥ നിരീക്ഷണ കേന്ദ്രം റെഡ് അലേര്ട്ട് പ്രഖ്യാപിച്ചു
പശ്ചിമ ബംഗാളില് റേമല് ചുഴലിക്കാറ്റ് കരതൊട്ടു... 110 മുതല് 120 കിലോമീറ്റര് വരെ വേഗതയിലാണ് ചുഴലിക്കാറ്റ് വീശുന്നത്, ബംഗാളിലെ തീരപ്രദേശങ്ങളില് കേന്ദ്ര കാലാവസ്ഥ നിരീക്ഷണ കേന്ദ്രം റെഡ് അലേര്ട്ട് പ്രഖ്യാപിച്ചു
ശക്തമായ കാറ്റില് സൗത്ത് 24 പര്ഗാനാസ് ജില്ലയില് നിരവധി മരങ്ങള് കടപുഴകി വീഴുകയുണ്ടായി. ദേശീയ ദുരന്ത നിവാരണ സേന മരങ്ങള് മുറിച്ച് മാറ്റുന്നു. ബംഗാളിലെ തീരപ്രദേശങ്ങളില് നിന്നും ഒരു ലക്ഷത്തിലധികം പേരെ മാറ്റി പാര്പ്പിച്ചു. മുന്നൊരുക്കങ്ങള് വിലയിരുത്തിയതായി ഉദ്യോഗസ്ഥരുമായി നടത്തിയ കൂടിക്കാഴ്ചക്ക് ശേഷം പ്രധാനമന്ത്രി നരേന്ദ്ര മോദി സാമൂഹിക മാധ്യമമായ എക്സില് കുറിക്കുകയും ചെയ്തു.
ചുഴലിക്കാറ്റ് ബാധിക്കുന്ന പ്രദേശങ്ങളില് ദേശീയ ദുരന്ത നിവാരണ സേന സജ്ജമെന്ന് കേന്ദ്ര അഭ്യന്തര മന്ത്രി അമിത് ഷാ. കരസേന, നാവികസേന, കോസ്റ്റ് ഗാര്ഡ് തുടങ്ങിയ സേനകളും ചുഴലിക്കാറ്റിനെ നേരിടാന് സജ്ജമാണ്.
അതേസമയം ചുഴലിക്കാറ്റിനെ തുടര്ന്ന് വ്യോമ, റെയില് ഗതാഗതം തടസപ്പെട്ടു. കൊല്ക്കത്ത വിമാനത്താവളം ഇന്നലെ ഉച്ച മുതല് ഇരുപത്തിയൊന്ന് മണിക്കൂര് നേരത്തേക്ക് അടച്ചിട്ടു. 394 വിമാനങ്ങളാണ് ആകെ റദ്ദാക്കിയത്. ചില ട്രെയിനുകള് റദ്ദാക്കിയതായി കിഴക്കന് റെയില്വേ . സാഹചര്യം നേരിടാന് ത്രിപൂരയിലും ബംഗാളിലും ഒഡീഷയിലും ദേശീയ ദുരന്തനിവാരണ സേനയടക്കം സജ്ജമാണെന്ന് അധികൃതര് അറിയിച്ചു. ത്രിപുരയില് സംസ്ഥാന സര്ക്കാര് നാല് ജില്ലകളിലും റെഡ് അലര്ട്ട് പ്രഖ്യാപിച്ചിട്ടുണ്ട്.
https://www.facebook.com/Malayalivartha
