രാഹുല് ഗാന്ധിയുടെ പദയാത്ര ഇന്ന്
വരള്ച്ച ബാധിത മേഖലയായ ബുന്ദെല്ഖണ്ഡില് കോണ്ഗ്രസ് വൈസ് പ്രസിഡന്റ് രാഹുല് ഗാന്ധിയുടെ പദയാത്ര ഇന്ന്. കര്ഷകരുമായി രാഹുല് ഈ അവസരത്തില് കൂടിക്കാഴ്ച നടത്തും. മധ്യപ്രദേശിലെ ഖജുരാഹുവില് നിന്ന് റോഡ് മാര്ഗം മഹോബയില് എത്തുന്ന രാഹുല് ഇവിടെ നിന്നും ഏഴു കിലോമീറ്ററോളം ദൂരം കാലനടയടയി സഞ്ചരിക്കും. തുടര്ന്ന് സുപയില് നടക്കുന്ന യോഗത്തില് പങ്കെടുക്കും. ഗ്രാമീണരുമായി ചര്ച്ചകള് നടത്തുമെന്നും കോണ്ഗ്രസ് വക്താവ് അറിയിച്ചു. സുപ റെയില്വേ സ്റ്റേഷനില് മഹിള സ്വയം സഹായ സംഘവുമായി കൂടിക്കാഴ്ച നിശ്ചയിച്ചിട്ടുണ്ട്. ലാദ്പുരില് കര്ഷകരുമായി രാഹുല് സംവദിക്കും.
കടുത്ത വളര്ച്ചയും കാലംതെറ്റിയുള്ള മഴയും മൂലം കനത്ത കൃഷിനാശം നേരിട്ട മേഖലയാണ് ബുന്ദേല്ഖണ്ഡ്. ഇവിടെ 13 ജില്ലകളില് കഴിഞ്ഞ ഏതാനും വര്ഷങ്ങള്ക്കുള്ളില് നൂറുകണക്കിന് കര്ഷകരാണ് ആത്മഹത്യ ചെയ്തത്. യു.പി സര്ക്കാര് പ്രഖ്യാപിച്ച നഷ്ടപരിഹാരം കര്ഷകരുടെ നഷ്ടം പരിഹരിക്കാന് ഒന്നുമായില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
