വിവേചനത്തിന്റെ പേരില്‍ ഹൈദരാബാദ് യൂണിവേഴ്‌സിറ്റി വിദ്യാര്‍ത്ഥി ആത്മഹത്യ ചെയ്തതിന് പിന്നാലെ സമാന സംഭവങ്ങള്‍ ജനശ്രദ്ധയിലേക്ക് ഉയര്‍ന്നുവരുന്നു. അത്തരത്തിലൊന്നാണ് മഹേഷ് ബാല്‍മികി എന്ന രണ്ടാം വര്‍ഷ വിദ്യാര്‍ത്ഥിയുടെ ജീവിതം. പഠനത്തിനായി എടുത്തിരുന്ന വായ്പ തിരിച്ചടയ്ക്കുന്നതിനായി സ്വന്തം കിഡ്‌നി വില്‍ക്കുന്നതിനുപോലും ഈ യുവാവ് തയ്യാറായിരുന്നു. എന്നാല്‍ ദളിതനെന്ന പേരില്‍ ആരും കിഡ്‌നി വാങ്ങാന്‍ തയ്യാറായില്ല. ഇത് മഹേഷിന്റെ പഠനം അവസാനിക്കുന്നതിലേക്ക് വരെയെത്തി.

പഠനത്തിനായി എടുത്ത 2.7 ലക്ഷം രൂപയുടെ വായ്പ അടയ്ക്കുന്നതിന് സാധിക്കാത്തതിനാല്‍ രമേഷ് ഇന്ന് തൂപ്പുകാരന്റെ ജോലി ചെയ്യുകയാണ് മാസ ശമ്പളം വെറും 4,000 രൂപ. പഠനത്തില്‍ മിടുക്കനായിരുന്ന മഹേഷ് പഠനം തുടരുന്നതിനുള്ള ആഗ്രഹം മൂലമാണ് കിഡ്‌നി വില്‍ക്കുന്നതിന് തയ്യാറായത്. എന്നാല്‍ കിഡ്‌നി ആവശ്യമുള്ളവര്‍ ദാതാവിന്റെ ജാതി ചോദിക്കും ദളിതനാണെന്ന് അറിയുന്നതോടെ കിഡ്‌നിക്ക് ആവശ്യക്കാരില്ലെന്ന് മഹേഷ് പറയുന്നു.
രാജസ്ഥാനിലെ അല്‍വാറാണ് മഹേഷിന്റെ ജന്മനാട്. ജീവിതം അവസാനിപ്പിക്കുന്നതിനേക്കുറിച്ച് പലപ്പോഴുംആലോചിച്ചിട്ടുണ്ടെന്ന് മഹേഷ് പറയുന്നു. അപകടം മണത്ത സുഹൃത്തുക്കള്‍ മഗ്‌സസെ അവാര്‍ഡ് ജേതാവും സാമൂഹ്യപ്രവര്‍ത്തകനുമായ സന്ദിപ് പാണ്ഡേയെ വിവരം അറിയിച്ചു. അദേഹം സംഭവം ബി.എച്ച്‌യു. അലുമിനി അസോസിയേഷനെ അറിയിച്ചതിനെ തുടര്‍ന്ന് വായ്പ തിരിച്ചടയ്ക്കാന്‍ സാധിച്ചു.
മഹേഷിന്റെ അച്ഛന്‍ തളര്‍ന്ന് കിടപ്പിലാണ്. അമ്മ വീട്ടുജോലിക്ക് പോയായിരുന്നു മഹേഷിന്റെ പഠന ചെലവുകള്‍ നടത്തിയിരുന്നത്. മഹേഷും ജോലിക്ക് പോകുമായിരുന്നു. എന്നാല്‍ തുടര്‍ച്ചയായുണ്ടാകുന്ന ആരോഗ്യ പ്രശ്‌നങ്ങള്‍ മഹേഷിനെ തളര്‍ത്തി. മൂന്നു മക്കളില്‍ പഠനത്തില്‍ ഏറ്റവും മിടുക്കന്‍ മഹേഷായിരുന്നുവെന്ന് അമ്മ ഓര്‍മ്മിക്കുന്നു.
പത്താം ക്ലാസില്‍ 85 ശതമാനം മാര്‍ക്കുണ്ടായിരുന്നു മഹേഷിന്. പഠനത്തോടൊപ്പം ജോലിക്കും മഹേഷ് പോയിരുന്നു. എന്നാല്‍ അതിനിടയില്‍ കടുത്ത ആരോഗ്യ പ്രശ്‌നങ്ങള്‍ പിടിപെട്ടു. ഇത് മഹേഷിന്റെ പ്ലസ് ടൂ റിസള്‍ട്ടിനെയും ബാധിച്ചു. 70 ശതമാനമായിരുന്നു മാര്‍ക്ക്. ഐ.ഐ.ടി എന്‍ട്രന്‍സ് പരീക്ഷയില്‍ നന്നായി പെര്‍ഫോമന്‍സ് ചെയ്യുന്നതിന് സാധിച്ച മഹേഷിന് ബി.എച്ച്.യു കോളജില്‍ പ്രവേശനവും ലഭിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha