ലോകസമാധാനത്തിന് ഭീഷണിയായിക്കൊണ്ടിരിക്കുന്ന ഭീകരവാദത്തിനെതിരെ ഇന്ത്യയും ഫ്രാന്‍സും ഒരുമിച്ച് പ്രവര്‍ത്തിക്കുമെന്ന് ഇന്ന് ഇന്ത്യയില്‍ സന്ദര്‍ശനത്തിനെത്തുന്ന ഫ്രഞ്ച് പ്രസിഡന്റ് ഫ്രാന്‍സ്വാ ഒളാന്ദ് പറഞ്ഞു. പ്രമുഖ ഏജന്‍സിക്കു നല്‍കിയ അഭിമുഖത്തിലാണ് ഒളാന്ദ് ഇക്കാര്യം വ്യക്തമാക്കിയത്. മോദിയെ അനുമോദിക്കാനും ഒളാന്ദ് മറന്നില്ല. നരേന്ദ്ര മോദി നിശ്ചയദാര്‍ഢ്യമുള്ള ഭരണാധികാരിയാണെന്നും ഒളാന്ദ് ചൂണ്ടിക്കാട്ടി. റാഫേല്‍ വിമാനക്കരാര്‍ സംബന്ധിച്ച് ഇന്ത്യയും ഫ്രാന്‍സും തമ്മിലുള്ള ചര്‍ച്ചകള്‍ ശരിയായ രീതിലാണ് പുരോഗമിക്കുന്നതെന്നും ഒളാന്ദ് പറഞ്ഞു. ഇരു നേതാക്കളും തമ്മിലുള്ള കൂടിക്കാഴ്ച്ചയില്‍ ഇത് ചര്‍ച്ചാ വിഷയമാകുമെന്നാണ് സൂചനകള്‍. റിപ്പബ്ലിക് ദിനത്തിലെ മുഖ്യാതിഥിയായ ഫ്രഞ്ച് പ്രസിഡന്റ് മൂന്നു ദിവസത്തെ സന്ദര്‍ശനത്തിനായാണ് ഇന്ത്യയിലെത്തുന്നത്. ഇന്ന് ഉച്ചയ്ക്ക് ഒന്നിനു ചണ്ഡിഗഡ് വിമാനത്താവളത്തിലെത്തുന്ന അദ്ദേഹത്തെ പ്രധാനമന്ത്രിയുടെ നേതൃത്വത്തില്‍ സ്വീകരിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha