രജനികാന്തിനും ശ്രീ ശ്രീ രവിശങ്കറിനും പത്മവിഭൂഷണണ് പുരസ്കാരം
പ്രശസ്ത ചലച്ചിത്ര താരം രജനികാന്തിനും ജീവനകലാ ആചാര്യന് ശ്രീ ശ്രീ രവിശങ്കറിനും പത്മവിഭൂഷണണ് പുരസ്കാരം. യാമിനി കൃഷ്ണമൂര്ത്തി, ഗിരിജാ ദേവി, റാമോജി റാവു, ഡോ.വിശ്വനാഥന് ശാന്ത, ജഗ്മോഹന്, ഡോ. വസുദേസ് കല്കുര്തെ ആത്രെ, അവിനാശ് ദീക്ഷിത് ധീരുഭായ് അംബാനി (മരണാനന്തരം) എന്നിവരും പത്മവിഭൂഷന് അര്ഹരായി.
പത്മഭൂഷന് ലഭിച്ചവര്: ടെന്നീസ് താരം സാനിയ മിര്സ, ബാറ്റ്മിന്ഡന് താരം സൈന നെഹ്!വാള്, അനുപം ഖേര്, ഉദിത് നാരായണന് ഝാ, റാം വി. സുതര്, ഹെയ്സ്നാം കാന്ഹൈലാല്, വിനോദ് റായ്, യാര്ലഗദ്ധ ലക്ഷ്മി പ്രസാദ്, രാമാനുജ താത്തചാര്യ, ഡോ.ബര്ജിന്ദര് സിങ് ഹാംദാര്ദ്, പ്രഫ.ഡോ.നാഗേശ്വര് റെഡ്ഢി, സ്വാമി തേജോമയാനന്ദ.
പത്മശ്രീ ലഭിച്ചവര്: അമ്പെയ്ത്തുതാരം ദീപിക കുമാരി, സിനിമ താരങ്ങളായ അജയ് ദേവ്ഗണ്, പ്രിയങ്ക ചോപ്ര
സാനിയയെ രാജ്യം അര്ജുന അവാര്ഡും ഖേല്രത്ന പുരസ്കാരവും നല്കി രാജ്യം ആദരിച്ചിരുന്നു. വനിത മിക്സഡ് ഡബിള്സില് ഒന്നാം നമ്പര് താരമാണ് സാനിയ. മാര്ട്ടിന ഹിന്ജിസുമായി ചേര്ന്ന് തകര്പ്പന് പ്രകടനാണ് സാനിയ ഇപ്പോള് കാഴ്ചവയ്ക്കുന്നത്.
ഇന്ത്യയുടെ അയണ് ബട്ടര്ഫ്ലൈ എന്നാണ് സൈനയെ വിശേഷിപ്പിക്കുന്നത്. ഒളിമ്പിക്സില് മെഡല് നേടിയ ആദ്യ ഇന്ത്യന് ബാഡ്മിന്റണ് താരമാണ് സൈന. സൈനയുടെ വരവ് ഇന്ത്യയില് ബാഡ്മിന്റനുണ്ടാക്കിയ കുതിപ്പ് വളരെ വലുതാണ്. ഇതുവരെ 16 രാജ്യാന്തര കിരീടങ്ങള് നേടിയിട്ടുണ്ട്.
അമ്പെയ്ത്തിലെ ലോക റാങ്കിങ്ങില് നിലവില് രണ്ടാം റാങ്കിലും മുമ്പ് ഒന്നാം റാങ്കിലായിരുന്നതുമായ താരമാണ് ദീപിക കുമാരി. 2010ലെ ഏഷ്യന് ഗെയിംസില് വെങ്കല മെഡല് നഷ്ടമായി. 2012ലെ ലണ്ടന് ഒളിമ്പിക്സിലും ദീപിക മത്സരിച്ചിരുന്നു. ഫിറ്റ വേള്ഡ് കപ്പിന്റെ ഫൈനല് റൗണ്ടിലും ദീപിക വെള്ളി മെഡല് നേടിയിരുന്നു. രാജ്യം അര്ജുന അവാര്ഡ് നല്കി ആദരിച്ചിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
