കരസേന മേധാവിയായി ചുമതലയേറ്റെടുത്ത് ജനറല് ഉപേന്ദ്ര ദ്വിവേദി
കരസേന മേധാവിയായി ചുമതലയേറ്റെടുത്ത് ജനറല് ഉപേന്ദ്ര ദ്വിവേദി .ഡല്ഹിയിലെ കരസേന ആസ്ഥാനത്ത് നടന്ന ചടങ്ങിലാണ് ചുമതലയേറ്റെടുത്ത്.
കരസേനയുടെ മുപ്പതാമത്തെ മേധാവിയാണ്. ജനറല് മനോജ് പാണ്ഡെയുടെ 26 മാസത്തെ കാലാവധി ഇന്ന് പൂര്ത്തിയായതോടെയാണ് ചുമതല കൈമാറിയത്. സേനയുടെ നവീകരണത്തിനായി പുതിയ ആധുനിക സംവിധാനങ്ങള് നടപ്പാക്കുന്നതില് പ്രധാന പങ്കുവഹിച്ച വ്യക്തിയാണ് ജനറല് ഉപേന്ദ്ര ദ്വിവേദി.
വടക്കന് ആര്മി കമാന്ഡറായി ദീര്ഘകാലം പ്രവര്ത്തിച്ച ഉദ്യോഗസ്ഥനാണ് അദ്ദേഹം. 1964 ജൂലൈ 1 നാണ് ജനനം. ഉപേന്ദ്ര ദ്വിവേദി 1984 ഡിസംബര് 15 ന് ആണ് ഇന്ത്യന് ആര്മിയുടെ ജമ്മു & കശ്മീര് റൈഫിള്സില് കമ്മീഷന് ചെയ്യപ്പെടുന്നത്.
ആര്മി ചീഫ് ലഫ്റ്റനന്റ് ജനറല് ഉപേന്ദ്ര ദ്വിവേദിയും നേവി ചീഫ് അഡ്മിറല് ദിനേശ് ത്രിപാഠിയും 1970കളില് മധ്യപ്രദേശിലെ രേവയിലുള്ള സൈനിക് സ്കൂളില് അഞ്ചാം ക്ലാസില് ഒരുമിച്ച് പഠിച്ചവരാണ്.
അതേസമയം വിരമിച്ച കരസേന മേധാവി ജനറല് മനോജ് പാണ്ഡെയ്ക്കുള്ള യാത്രയപ്പ് സേന നല്കി. വിരമിക്കല് ചടങ്ങ് പ്രതിരോധ മന്ത്രാലയത്തിലായിരുന്നു.
"
https://www.facebook.com/Malayalivartha
