ഉത്തര്‍പ്രദേശിലെ ഉന്നാവില്‍ ബസും ട്രക്കും കൂട്ടിയിടിച്ച് 18 പേര്‍ക്ക് ദാരുണാന്ത്യം, നിരവധി പേര്‍ക്ക് പരുക്ക്
ഉത്തര്‍പ്രദേശിലെ ഉന്നാവില്‍ ബസും ട്രക്കും കൂട്ടിയിടിച്ച് 18 പേര്‍ മരിച്ചു. നിരവധി പേര്‍ക്ക് പരുക്ക്്. ലക്നൗ - ആഗ്ര എക്സ്പ്രസ് വേയില്‍ ഇന്ന് പുലര്‍ച്ചെയാണ് അപകടം സംഭവിച്ചത്്.
പാല്‍ കയറ്റി വരികയായിരുന്ന കണ്ടെയ്നര്‍ ട്രക്കുമായി ബസ് കൂട്ടിയിടിച്ചാണ് അപകടമുണ്ടായത്. സംഭവത്തില്‍ മൂന്ന് സ്ത്രീകളും ഒരു കുട്ടിയും ഉള്‍പ്പെടെ 18 പേരുടെ മരണം സ്ഥിരീകരിച്ചിട്ടുണ്ട്.
ബീഹാറില്‍ നിന്ന് ഡല്‍ഹിയിലേക്ക് പോയ ഡബിള്‍ ഡക്കര്‍ ബസിന് പിന്നില്‍ ട്രക്ക് ഇടിക്കുകയായിരുന്നു. മരിച്ചവരെല്ലാം ബസിലെ യാത്രക്കാരണെന്നാണ് സൂചനകള്‍. കൂട്ടിയിടിയുടെ ആഘാതത്തില്‍ നിരവധി പേര്‍ ബസിന് പുറത്തേക്ക് വീണെന്നും പൊലീസ് .
പരിക്കേറ്റവര്‍ക്ക് അടിയന്തര ചികിത്സ നല്‍കാനും ആവശ്യമായ മറ്റ് നടപടികള്‍ സ്വീകരിക്കാനും ബന്ധപ്പെട്ട ഉദ്യോഗസ്ഥര്‍ക്ക് നിര്‍ദേശം നല്‍കി ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് .
"
https://www.facebook.com/Malayalivartha
