പ്രധാനമന്ത്രിയുടെ ഓഫീസ് കനിഞ്ഞു; ആധാര് ടീം വീട്ടിലെത്തി
മാതാപിതാക്കളുടെ ആധാര് കാര്ഡ് ശരിയാക്കുന്നതിനായി നെട്ടോട്ടമോടിയ യുവാവിന് പ്രധാനമന്ത്രിയുടെ ഓഫീസില് നിന്ന് സഹായമെത്തി. പാലക്കാട് സ്വദേശി രാജാ ശിവറാമിനാണ് പ്രധാനമന്ത്രിയുടെ ഓഫീസില് നിന്ന് നേരിട്ട് സഹായം എത്തിയത്. പ്രായാധിക്യത്തെ തുടര്ന്ന് രാജയുടെ മാതാപിതാക്കള്ക്ക് ആധാര് കാര്ഡ് ശരിയാക്കുന്നതിന് യാത്ര ചെയ്യാന് സാധിക്കുമായിരുന്നില്ല. ഇവരുടെ ആധാര് കാര്ഡ് ശരിയാക്കുന്നതിനായി ഈ യുവാവ് കയറിയിറങ്ങാത്ത സ്ഥലങ്ങളുമില്ല മുട്ടാത്ത വാതിലുകളുമില്ല.
ആധാര് കാര്ഡ് ശരിയാക്കി ലഭിക്കുന്നതിന് ഒരു വഴിയും തെളിയാത്തതിനെ തുടര്ന്ന് അവസാനം രാജ പ്രധാനമന്ത്രിയുടെ ഓഫീസിലേക്ക് അപേക്ഷ അയച്ചു. കഴിഞ്ഞ വ്യാഴാഴ്ചയാണ് അപേക്ഷ അയച്ചത്. ഞായറാഴ്ച രാവിലെ ആധാര് ടീം പാലക്കാട്ടെ വീട്ടിലെത്തി. കമ്പ്യൂട്ടറും കണ്ണും വിരലുകളും സ്കാന് ചെയ്യുന്നതിന് ആവശ്യമായ ഉപകരണങ്ങളും ക്യാമറയുമായാണ് ഇവര് എത്തിയത്. ഇതോടെ 90 വയസ്സുകഴിഞ്ഞ അച്ഛനും 83 വയസ്സുകഴിഞ്ഞ അമ്മയ്ക്കും ആധാര് ലഭിക്കുന്നതിന് ആവശ്യമായ നടപടികളെല്ലാം പൂര്ത്തിയായി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
