മാധ്യമപ്രവര്‍ത്തകര്‍ക്കു നേരെ ഡിഎംഡികെ നേതാവ് വിജയകാന്ത് തുപ്പിയെന്ന പരാതിയില്‍ അന്വേഷണം നടത്താന്‍ മദ്രാസ് ഹൈക്കോടതി പൊലീസിനു നിര്‍ദേശം നല്‍കി. മാധ്യമപ്രവര്‍ത്തകനായ ദേവരാജന്‍ സമര്‍പ്പിച്ച ഹര്‍ജി പരിഗണിച്ച ജസ്റ്റിസ് ആര്‍. സുബ്ബയ്യയാണ് ഉത്തരവിട്ടത്. പരാതി വാസ്തവമെങ്കില്‍ തുടര്‍ നിയമനടപടി സ്വീകരിക്കാനും പ്രഥമദൃഷ്ട്യാ കേസില്ലെന്നു കണ്ടെത്തിയാല്‍ അതനുസരിച്ചു നടപടിയെടുക്കാനും കോടതി നിര്‍ദേശിച്ചു. കഴിഞ്ഞ മാസം മാധ്യമപ്രവര്‍ത്തകരോടു സംസാരിക്കുന്നതിനിടെ, ഇങ്ങനെയൊക്കെ തന്നോടു ചോദിക്കുന്നതുപോലെ മുഖ്യമന്ത്രിയോടു ചോദിക്കാമോ എന്നു ചോദിച്ചുകൊണ്ടു വിജയകാന്ത് തുപ്പിയെന്നാണു പരാതി. ഇതു സംബന്ധിച്ചു പൊലീസിനു പരാതി നല്‍കിയെങ്കിലും നടപടിയെടുക്കാന്‍ തയാറായില്ലെന്നു ഹര്‍ജിയില്‍ ചൂണ്ടിക്കാട്ടി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha