തമിഴ്നാട്ടില് ഇന്ന് മന്ത്രിസഭ പുനസംഘടന നടക്കും... തമിഴ്നാട് ഉപമുഖ്യമന്ത്രിയായി ഉദയനിധി സ്റ്റാലിന് ഇന്ന് സത്യപ്രതിജ്ഞ ചെയ്യും
29 SEPTEMBER 2024 07:55 AM IST
മലയാളി വാര്ത്ത
തമിഴ്നാട്ടില് ഇന്ന് മന്ത്രിസഭ പുനസംഘടന നടക്കും. തമിഴ്നാട് ഉപമുഖ്യമന്ത്രിയായി ഉദയനിധി സ്റ്റാലിന് ഇന്ന് സത്യപ്രതിജ്ഞ ചെയ്യും. വി.സെന്തില് ബാലാജി അടക്കം 4 പേര് മന്ത്രിമാര് ആയി സത്യപ്രതിജ്ഞ ചെയ്യും.
ഉച്ചകഴിഞ്ഞ് 3:30ന് രാജ്ഭവനില് നടക്കുന്ന ചടങ്ങില് ഗവര്ണര് ആര് എന് രവി സത്യവാചകം ചൊല്ലികൊടുക്കും. കള്ളപ്പണ കേസില് സുപ്രീം കോടതി ജാമ്യം അനുവദിച്ചതോടെ വെള്ളിയാഴ്ചയാണ് ബാലാജി ജയില് മോചിതന് ആയത്. മൂന്ന് മന്ത്രിമാരെ ഒഴിവാക്കിയാണ് സ്റ്റാലിന്, മകന് ഉദയനിധിയെ ഉപമുഖ്യമന്ത്രി ആയി ഉയര്ത്തിയത്.
കായിക -യുവജനക്ഷേമ മന്ത്രി ആയിരുന്ന ഉദയനിധിക്ക്, ആസൂത്രണം, വികസനം വകുപ്പുകളും കൂടി നല്കിയിട്ടുണ്ട്. 46-ാം വയസില് ആണ് ഉദയനിധി മന്ത്രിസഭയില് രണ്ടാമനാകുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
