ആഗ്രയിൽ  താജ്മഹലിന്റെ പരിസരത്ത് നിന്നും ഇറാനിയൻ ദമ്പതിമാർ അറസ്റ്റിൽ.താജ്മഹലിന്റെ പരിസരത്ത് നമസ്‌കരിച്ചതിനാണ്  ഇറാനിയൻ ദമ്പതിമാർ അറസ്റ്റിലായിരിക്കുന്നത്. താജ്മഹലിനോട് ചേർന്നുള്ള ക്ഷേത്രത്തിൽ നമസ്‌കരിച്ചെന്ന്    പരാതി ശക്തമായതോടെയാണ് പൊലീസ് നടപടി സ്വീകരിച്ചത്.

ഇറാനിയൻ ടൂറിസ്റ്റുകൾ  താജ്മഹലിന്റെ കിഴക്കൻ ഗേറ്റിനോടു ചേർന്നുള്ളക്ഷേത്രത്തിനകത്തായിരുന്നു നമസ്‌കരിച്ചത്.  ഈ പ്രവർത്തി കണ്ട് പ്രതിഷേധവുമായി ചിലർ എത്തി.  അവർ പൊലീസിൽ വിവരമറിച്ചതോടെ  ഉദ്യോഗസ്ഥർ സ്ഥലത്തെത്തി കസ്റ്റഡിയിലെടുക്കുകയായിരുന്നു.

ഇറാനിയൻ ദമ്പതിമാർ മാധ്യമങ്ങളോട് പറഞ്ഞത്  ഇപ്രകാരമാണ്;  വൃത്തിയുള്ള സ്ഥലമാണെന്നു കണ്ടാണ് അവിടെ നമസ്‌കരിച്ചതെന്നും അത് ക്ഷേത്രമാണെന്ന് അറിയില്ലായിരുന്നു   . മുറിയുടെ വാതിൽ തുറന്നപ്പോൾ അകത്ത് ആരുമുണ്ടായിരുന്നില്ല. പിന്നീട് ആളുകൾ പ്രശ്‌നമുണ്ടാക്കിയപ്പോഴായിരുന്നു  ക്ഷേത്രമാണെന്നു മനസിലായത്. ഇതോടെ തങ്ങൾ മാപ്പുപറഞ്ഞു. ആരെയും പ്രകോപിപ്പിക്കാൻ ഉദ്ദേശിച്ചതല്ല. എന്നാൽ, ദമ്പതിമാരുടെ വിശദീകരണത്തിൽനിന്ന് ദുരുദ്ദേശ്യപരമായി ഒന്നും നടപടിക്കു പിന്നിലില്ലെന്നാണു വ്യക്തമാകുന്നത്. അവർ മാപ്പുപറയുകയും ചെയ്തതാണെന്നും പൊലീസ് ചൂണ്ടിക്കാട്ടി.