ദമ്പതിമാര് 250 രൂപയ്ക്ക് വാങ്ങിയ പെണ്കുട്ടിയെ ഭിക്ഷാടനത്തിന് ഉപയോഗിച്ചു
തെലങ്കാനയിലെ രംഗറെഡ്ഢി ജില്ലയിലെ ബഷീറാബാദില് താമസിക്കുന്ന ദമ്പതിമാര് മുംബൈയില് നിന്നും 250 രൂപയ്ക്ക് വാങ്ങിയ പെണ്കുട്ടിയെ ഭിക്ഷാടനത്തിന് ഉപയോഗിച്ചു. ജില്ലയിലെ തന്ഡൂര് ബസ് സ്റ്റാന്റില് ഭിക്ഷനടത്തുകയായിരുന്ന പൂജ എന്ന കുട്ടിയെ പൊലീസാണ് രക്ഷപ്പെടുത്തിയത്. ദമ്പതിമാരെ പൊലീസ് അറസ്റ്റ് ചെയ്തു. കഴിഞ്ഞ മൂന്നുമാസമായി കുട്ടി ഭിക്ഷാടനം നടത്തുകയായിരുന്നുവെന്നു പൊലീസ് പറഞ്ഞു.
പിടിയിലായ വി.ബാസമ്മ വി.രാമുലു എന്ന ദമ്പതികള് ഒരു വര്ഷം മുമ്പ് മുംബൈയില് ജോലിചെയ്യുന്ന സമയത്താണ് കുട്ടിയെ ഒരാളുടെ കൈയില് നിന്നു വാങ്ങിയത്. അയാളെ കുറിച്ച് കൂടുതല് വിവരം പിടിയിലായവര്ക്ക് അറിയില്ല. കുട്ടി അനാഥയായതിനാല് അച്ഛനമ്മമാരെ കുറിച്ചും കുട്ടിക്ക് അറിവില്ലയെന്ന് രംഗറെഡ്ഢി എസ്.പി രമ രാജേശ്വരി പറഞ്ഞു. മുംബയില് നിന്നും മന്താദി ഗ്രാമത്തിലെ വീട്ടില് കൊണ്ടുവന്ന കുട്ടിയെ ദമ്പതികള് വീട്ടുജോലിക്കാരിയാക്കുക ആയിരുന്നു. പിന്നീടാണ് ഇവര് കുട്ടിയെ ഭിക്ഷാടനത്തിനു വിട്ടത്. രാവിലെ വീട്ടിലെ ജോലിയെല്ലാം പൂര്ത്തിയാക്കിയ ശേഷം തന്ഡൂര് ബസ് സ്റ്റാന്റില് എത്തുന്ന കുട്ടി വൈകുന്നേരം വരെ ഭിക്ഷാടനം തുടരും. വൈകിട്ട് പിറ്റേ ദിവസത്തേക്കുള്ള വണ്ടികൂലി ഒഴിച്ചുള്ള പണം പിടിയിലായവരെ ഏല്പ്പിക്കുകയായിരുന്നു പതിവെന്ന് ബഷീറാബാദ് എസ്.ഐ അഭിനവ ചതുര്വേദി പറയുന്നു.
പൊലീസിനു ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് കുട്ടിയെ രക്ഷിച്ചത്. മനുഷ്യകടത്തിനും ബാലവേലയ്ക്കും പിടിയിലായവടക്കെതിരെ പൊലീസ് കേസെടുത്തു. കുട്ടിയെ നിര്ബന്ധിച്ച് വീട്ടുജോലി ചെയ്യിച്ചതിന് ബാസമ്മയുടെ പിതാവിനെയും പൊലീസ് അറസ്റ്റ് ചെയ്തിട്ടുണ്ട്. ജില്ലയില് ഭിക്ഷയെടുക്കുകയും ബാലവേല ചെയ്യുകയുമായിരുന്ന 300ഓളം കുട്ടികളെയാണ് ഇതുവരെ പൊലീസ് രക്ഷിച്ചത്. ഇതില് വീട്ടില് നിന്നും കാണാതായ കുട്ടികളും ഉള്പ്പെട്ടിട്ടുണ്ട്. ഓപ്പറേഷന് സ്മയില് എന്ന പേരില് ഈ വര്ഷം ജനുവരി 1 മുതലാണ് ഇത് ആരംഭിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha