ഭോപ്പാല്‍ലില്‍ ലൈംഗികവേഴ്ചയ്ക്കു നിര്‍ബന്ധിച്ച ഭര്‍തൃസഹോദരന്റെ ജനനേന്ദ്രിയം യുവതി മുറിച്ചെടുത്തു. അംഗഭംഗം വന്ന യുവാവ് ആത്മഹത്യ ചെയ്തു. മധ്യപ്രദേശിലെ സിദ്ധി ജില്ലയിലാണ് സംഭവം.
ഭര്‍തൃസഹോദരന്റെ മുറിച്ചെടുത്ത ജനനേന്ദ്രിയവുമായി യുവതി പൊലീസ് സ്‌റ്റേഷനില്‍ ഹാജരാകുകയും ചെയ്തു. ഇയാളുടെ ശല്യം സഹിക്കാതെയാണ് അറ്റകൈ പ്രയോഗം നടത്തിയതെന്നു യുവതി മൊഴി നല്‍കി.
പുലര്‍ച്ചെ ആറ് മണിയോടെയാണ് 32കാരി മുറിച്ചെടുത്ത ജനനേന്ദ്രിയവുമായി പൊലീസ് സ്‌റ്റേഷനില്‍ എത്തിയത്. തന്റെ മുന്ന് മക്കളെയും കൂട്ടിയാണ് യുവതി എത്തിയത്. ഭര്‍തൃ സഹോദരന്‍ നിരന്തരം ലൈംഗിക വേഴ്ചയ്ക്ക് സമീപിച്ചിരുന്നതായും ഇതിന് തടയിടാന്‍ മറ്റ് മാര്‍ഗങ്ങളില്ലായിരുന്നെന്നും യുവതി പൊലീസിനോട് പറഞ്ഞു.
യുവതിയുടെ മൊഴിയുടെ അടിസ്ഥാനത്തില്‍ പൊലീസ് ഇവരുടെ വീട്ടില്‍ എത്തിയെങ്കിലും ഭര്‍തൃ സഹോദരനെ തുങ്ങി മരിച്ച നിലയില്‍ കണ്ടെത്തുകയായിരുന്നു.
നാസിക്കിലാണു യുവതിയുടെ ഭര്‍ത്താവ് ജോലി ചെയ്യുന്നത്. ഭര്‍ത്താവ് ജോലിക്ക് പോകുന്ന സമയത്ത് സഹോദരന്‍ നിരന്തരം പീഡിപ്പിക്കാന്‍ ശ്രമിച്ചിരുന്നതായി യുവതി പറഞ്ഞു. ലൈംഗികോദ്ദേശ്യത്തോടെ തന്നെ സമീപിച്ച ഇയാളോട് സമ്മതരൂപേണ പെരുമാറിയ യുവതി ജനനേന്ദ്രിയം മുറിച്ചെടുക്കുകയായിരുന്നു. യുവതിയുടെ പേരില്‍ കൊലപാതകശ്രമത്തിന് കേസെടുത്തിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha