രാഹുല് ഗാന്ധിക്കെതിരെ രാജ്യദ്രോഹകുറ്റം ചുമത്താന് അലഹബാദ് ഹൈക്കോടതി നിര്ദേശം
കോണ്ഗ്രസ് വൈസ് പ്രസിഡന്റ് രാഹുല് ഗാന്ധിക്കെതിരെ രാജ്യദ്രോഹകുറ്റം ചുമത്തി കേസെടുക്കാന് അലഹബാദ് ഹൈക്കോടതി ഉത്തരവിട്ടു.
ദേശവിരുദ്ധ പ്രവര്ത്തനവുമായി ബന്ധപ്പെട്ട നടപടിയെ തുടര്ന്ന് പ്രക്ഷോഭം നടത്തുന്ന ജെ.എന്.യു കാമ്പസിലെ വിദ്യാര്ത്ഥികളെ സന്ദര്ശിച്ചതിനാണ് നടപടി.
രാഹുലിനെതിരെ അലഹബാദ് സി.ജെ.എം കോടതിയില് പരാതി നല്കിയതിനു പിന്നാലെയാണ് ഹൈക്കോടതിയുടെ ഉത്തരവ്.
ജെ.എന്.യുവില് ദേശവിരുദ്ധ മുദ്രാവാക്യം വിളിച്ച വിദ്യാര്ത്ഥികളെ രാഹുല് ഗാന്ധി സന്ദര്ശിച്ച് പിന്തുണ പ്രഖ്യാപിച്ചുവെന്ന് ആരോപിച്ചാണ് പരാതി കോടതിയില് എത്തിയത്.
കാമ്പസിലെത്തിയ രാഹുല് വിദ്യാര്ത്ഥികളുടെ വായ്മൂടിക്കെട്ടാന് ശ്രമിക്കുന്നവരാണ് യഥാര്ത്ഥ ദേശവിരുദ്ധരെന്നും പറഞ്ഞിരുന്നു. കനയ്യ കുമാറിനെ അറസ്റ്റു ചെയ്ത നടപടിയെയും രാഹുല് വിമര്ശിച്ചിരുന്നു.
ജെ.എന്.യു വിഷയത്തില് പ്രധാനമന്ത്രി നരേന്ദ്ര മോഡിയെ വിമര്ശിച്ച രാഹുലിന്റെ രാജ്യസ്നേഹം ചോദ്യം ചെയ്ത് ബി.ജെ.പി ദേശീയാധ്യക്ഷന് അമിത് ഷായും രംഗത്തെത്തിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
