രാജ്യദ്രോഹ കുറ്റത്തിനു ഡല്‍ഹി പോലീസ് അറസ്റ്റ് ചെയ്ത ജെഎന്‍യു വിദ്യാര്‍ഥി യൂണിയന്‍ പ്രസിഡന്റ് കനയ്യ കുമാറിന്റെ ജാമ്യഹര്‍ജി സുപ്രീംകോടതി ഇന്നു പരിഗണിക്കും. തനിക്കെതിരേ ചുമത്തിയിരിക്കുന്ന രാജ്യദ്രോഹക്കുറ്റം റദ്ദാക്കണമെന്ന് കനയ്യ കുമാര്‍ ആവശ്യപ്പെട്ടിട്ടുണ്ട്. തനിക്കു ഭീഷണിയുണ്ടെന്നും പട്യാല ഹൗസ് കോടതിയില്‍ രണ്ടു ദിവസവും ആക്രമണം നേരിട്ടതിനാല്‍ അവിടെനിന്നു നീതി ലഭിക്കുമെന്ന് ഉറപ്പില്ലെന്നും അഭിഭാഷകരായ പ്രശാന്ത് ഭൂഷണ്‍, വൃന്ദ ഗ്രോവര്‍ തുടങ്ങിയവര്‍ മുഖേന നല്‍കിയ ഹര്‍ജിയില്‍ കനയ്യ കുമാര്‍ ചൂണ്ടിക്കാട്ടി. പട്യാല ഹൗസ് കോടതിയിലുണ്ടായ ആക്രമണ സംഭവങ്ങള്‍ സംബന്ധിച്ച കേസ് പരിഗണിക്കുന്ന ജസ്റ്റീസുമാരായ ജെ. ചെലമേശ്വര്‍, എ.എം. സപ്രേ എന്നിവരുടെ ബെഞ്ച് തന്നെയാവും ഇന്നു കനയ്യയുടെ ഹര്‍ജിയും പരിഗണിക്കുക. തനിക്കെതിരേ ആക്രമണമുണ്ടായ സാഹചര്യത്തിലാണു കീഴ് കോടതികളെ സമീപിക്കാതെ പരമോന്നത കോടതിയെ സമീപിച്ചതെന്നു ഹര്‍ജിയില്‍ പറയുന്നു. കനയ്യയ്ക്കു വേണ്ടി മുതിര്‍ന്ന അഭിഭാഷകരായ സോളി സൊറാബ്ജി, രാജു രാമചന്ദ്രന്‍ എന്നിവര്‍ ഹാജരാകും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha