രാഹുല്‍ ഗാന്ധിയെ പാക്കിസ്ഥാനിലേക്ക് നാടുകടത്തണമെന്നു പഞ്ചാബിലെ ബിജെപി നേതാവ് മനോരഞ്ജന്‍ കാലിയ. ജെഎന്‍യു വിദ്യാര്‍ഥികളെ പിന്തുണയ്ക്കുന്ന രാഹുല്‍ രാജ്യദ്രോഹിയാണ്. ഇങ്ങനെയുള്ള നേതാക്കളെ രാജ്യത്തിനാവശ്യമില്ല. അദ്ദേഹത്തെ പാക്കിസ്ഥാനിലേക്ക് വിടണമെന്നും മനോരഞ്ജന്‍ കാലിയ ആവശ്യപ്പെട്ടു.

രാഷ്ട്രപതി പ്രണബ് മുഖര്‍ജിയുമായുള്ള രാഹുലിന്റെ കൂടിക്കാഴ്ചയെയും കാലിയ ചോദ്യം ചെയ്തു. സ്വയരക്ഷ നേടുന്നതിനു വേണ്ടിയാണ് രാഹുല്‍ രാഷ്ട്രപതിയെ കണ്ടത്. താന്‍ ചെയ്യുന്നതെല്ലാം ശരിയെന്നു ബോധ്യമുണ്ടെങ്കില്‍ പിന്നെന്തിനാണ് രാജ്യസ്‌നേഹം തന്റെ രക്തത്തിലുണ്ടെന്നു ജനങ്ങളെ ബോധ്യപ്പെടുത്താന്‍ രാഹുല്‍ ശ്രമിക്കുന്നത്.

പ്രധാനമന്ത്രിയുടെ ഓഫിസിന്റെ അവകാശക്കാരന്‍ താനെന്നാണ് രാഹുലിന്റെ വിചാരം. എന്നിട്ട് രാജ്യവിരുദ്ധ മുദ്രാവാക്യങ്ങള്‍ വിളിക്കുന്നവരെ പിന്തുണയ്ക്കുന്നു. ഇങ്ങനെയുള്ള ഒരാള്‍ എങ്ങനെയാണ് രാജ്യത്തെ നയിക്കുന്നതെന്നും കാലിയ ചോദിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha