ഈസ്റ്റര് ആഘോഷത്തിന് സംരക്ഷണം നല്കാനാകില്ലെന്ന് ഡല്ഹി പൊലീസ്
ഈസ്റ്റര് ആഘോഷത്തിന് സംരക്ഷണം നല്കാന് ആകില്ലെന്ന് ഡല്ഹി പൊലീസ്. ഈസ്റ്റ് ഓഫ് കൈലാഷിലെ ചര്ച്ച് ഓഫ് ട്രാന്സ് ഫിഗറേഷന് നല്കിയ അപേക്ഷയിലാണ് മറുപടി. ക്രമസമാധാന സാഹചര്യം പരിഗണിച്ചു സംരക്ഷണം നല്കാന് ആകില്ലെന്ന് ഡിസിപി രേഖമൂലം മറുപടി നല്കി. ഡല്ഹി അതിരൂപതയ്ക്ക് കീഴിലുള്ള, ഈസ്റ്റ് ഓഫ് കൈലാഷിലെ ചര്ച്ച് ഓഫ് ട്രാന്സ്ഫിഗറേഷനില് നടക്കുന്ന ഈസ്റ്റര് ആഘോഷത്തിന് ആണ് ഡല്ഹി പോലീസ് സുരക്ഷ നിഷേധിച്ചത്. ദേവാലയത്തില് എല്ലാവര്ഷവും നടക്കുന്ന ഈസ്റ്റര് ആഘോഷത്തിന് സംഘാടകര് പൊലീസ് സംരക്ഷണം ആവശ്യപ്പെട്ട അപേക്ഷ നല്കാറുണ്ട്.
അപേക്ഷയ്ക്ക് മറുപടി നല്കാറില്ലെങ്കിലും പതിവായി പൊലീസിനെ അയക്കാറുണ്ടെന്നും പള്ളി അധികൃതര് അറിയിച്ചു. എന്നാല് പള്ളി വളപ്പിനകത്തു മൂന്ന് ദിവസമായി നടക്കുന്ന ആഘോഷങ്ങള് സംബന്ധിച്ച് വിശദ വിവരങ്ങള് കാണിച്ചു. പൊലീസ് സംരക്ഷണം ആവശ്യപ്പെട്ട് ഇത്തവണ നല്കിയ കത്തിന് സംരക്ഷണം നല്കാന് ആകില്ലെന്നാണ് സൗത്ത് ഈസ്റ്റ് ഡിസിപി രേഖാമൂലം മറുപടി നല്കിയത്.
ക്രമസമാധാന സാഹചര്യം പരിഗണിച്ചാണ് തീരുമാനമെന്നും മറുപടിയില് ചൂണ്ടിക്കാട്ടുന്നു. ഇത്തവണ ഗോള് ഡാക് ഖാന സേക്രട് ദേവാലയത്തിലേക്കുള്ള കുരിശിന്റ വഴിക്ക് പൊലീസ് അനുമതി നിഷേധിച്ചത് വിവാദമായിരുന്നു. തുടര്ന്ന് ദേവാലയ അങ്കണത്തില് തന്നെ പരിപാടി നടത്തുകയായിരുന്നു.
https://www.facebook.com/Malayalivartha
