രാജ്യദ്രോഹ കുറ്റം ചുമത്തപ്പെട്ട് ജുഡീഷ്യല്‍ റിമാന്‍ഡില്‍ കഴിയുന്ന ജെഎന്‍യു വിദ്യാര്‍ത്ഥി യൂണിയന്‍ പ്രസിഡന്റ് കനയ്യ കുമാറിനെ മര്‍ദ്ദിച്ച 3 അഭിഭാഷകര്‍ക്ക് സുപ്രീം കോടതി നോട്ടീസ് നല്‍കി. മറുപടി നല്‍കിയില്ലെങ്കില്‍ കോടതി അലക്ഷ്യ നടപടികള്‍ സ്വീകരിക്കേണ്ടി വരുമെന്ന് കോടതി വ്യക്തമാക്കി.
കനയ്യ കുമാറിനെ മര്‍ദ്ദിച്ചതായി അഭിഭാഷക കമ്മീഷന്‍ റിപ്പോര്‍ട്ടില്‍ വ്യക്തമാക്കിയിരുന്നു. നേരത്തെ കനയ്യ കുമാറിനെ മര്‍ദ്ദിച്ചതായി ബിജെപി അനുഭാവമുള്ള അഭിഭാഷകന്‍ വിക്രംസിങ് ചൗഹാന്‍ വെളിപ്പെടുത്തിയിരുന്നു. ഇന്ത്യ ടുഡേ നടത്തിയ ഒളിക്യാമറ ഓപ്പറേഷനിലാണ് കനയ്യയെ മൂന്ന് മണിക്കൂറോളം മര്‍ദ്ദിച്ചെന്ന് ഇയാള്‍ വെളിപ്പെടുത്തുന്ന ദൃശ്യങ്ങള്‍ പുറത്തുവന്നത്.
പട്യാല ഹൈക്കോടതിയില്‍ അഭിഭാഷകര്‍ക്കും വിദ്യാര്‍ഥികള്‍ക്കും നേരെ നടത്തിയ ആക്രമണങ്ങള്‍ക്ക് നേതൃത്വം നല്‍കിയ അഭിഭാഷകനാണ് വിക്രംസിങ് ചൗഹാന്‍. ചൗഹാനെ കൂടാതെ യശ്പാല്‍ ശര്‍മ്മ, ഓം ശര്‍മ്മ എന്നീ അഭിഭാഷകരും വീഡിയോയില്‍ ഉണ്ട്. ഇവരെയൊന്നും ആക്രമണവുമായി ബന്ധപ്പെട്ട് അറസ്റ്റ് ചെയ്തിരുന്നില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha