ഇന്ത്യയിലെ മികച്ച ശമ്പളം ലഭിക്കുന്ന ഏറ്റവും മികച്ച തൊഴില്‍ മേഖലകളില്‍ ഒന്നായി പരിഗണിക്കപ്പെടുന്നത് ഐടിയാണ്. എന്നാല്‍ ഒരു സാധാരണ ഐടി ജീവനക്കാരന്‍ ഒരു മാസം കൊണ്ട് സമ്പാദിക്കുന്നത്ര തന്നെ ലോകത്തില്‍ ഏറ്റവും അന്തസ്സുകെട്ട ജോലിയായി പരിഗണിക്കുന്ന യാചകരും ഇന്ത്യയില്‍ സമ്പാദിക്കുന്നുണ്ടെന്ന് വ്യക്തമാക്കുന്ന വീഡിയോ യൂ ട്യുബില്‍ വൈറലാകുന്നു.
സാമൂഹ്യ പരീക്ഷണം എന്ന നിലയില്‍ യാചകനായി ചമഞ്ഞ് ഒരു യുവാവ് നടത്തിയ പ്രവര്‍ത്തനത്തിന്റെ വീഡിയോയാണ് ഈ കാര്യം വ്യക്തമാക്കാന്‍ ഉദാഹരണമായി കാണിക്കുന്നത്. ഒളി ക്യാമറ ഘടിപ്പിച്ച് കീറിപ്പറിഞ്ഞ വസ്ത്രം ധരിച്ച് വികൃതമായ നിലയില്‍ മേക്കപ്പ് ചെയ്ത് ഒരു യുവാവ് തെരുവിലും വാഹനങ്ങള്‍ കേന്ദ്രീകരിച്ചും നടത്തിയ ഭിക്ഷാടനത്തില്‍ കിട്ടിയ തുക കണക്കുകൂട്ടുകയായിരുന്നു.
ഒരു മണിക്കൂര്‍ കൊണ്ട് ഇയാള്‍ 200 രൂപ സമ്പാദിക്കുകയുണ്ടായി. ഇങ്ങിനെ അഞ്ച് മണിക്കൂര്‍ ഒരാള്‍ യാചിക്കുമ്പോള്‍ തുക 1000 ആകുമെന്നും ഇത് ഒരു മാസം കണക്കു കൂട്ടുമ്പോള്‍ 30,000 ആകുമെന്നും ഈ പ്രഛന്ന ഭിക്ഷക്കാരന്‍ കാണിച്ചു തന്നു. തനിക്ക് ബിപിഒ ജോലിയില്‍ കിട്ടുന്ന തുകയുടെ പകുതി പോലും സമ്പാദിക്കാന്‍ ഭിക്ഷാടനത്തില്‍ അധികം സമയം വേണ്ടെന്നും തന്റെ വീഡിയോയില്‍ യുവാവ് പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha