പരീക്ഷയില്‍ മാര്‍ക്ക് കുറഞ്ഞതിന് മാതാപിതാക്കള്‍ വഴക്ക് പറഞ്ഞതിനെ തുടര്‍ന്ന് 13കാരന്‍ ജീവനൊടുക്കി. വെള്ളിയാഴ്ച രാത്രിയാണ് സംഭവമുണ്ടാകുന്നത്. വീടിനടുത്തുള്ള വിദ്യാനഗര്‍ സ്‌കൂളിലെ ആറാം ക്ലാസ് വിദ്യാര്‍ത്ഥിയായ സതീഷാണ് ആത്മഹത്യ ചെയ്തത്.
കാര്‍ െ്രെഡവറായ കുമാറിന്റെയും കരിയമ്മയുടെയും മകനാണ് സതീഷ്. എല്ലാ ദിവസവും സമീപത്തുള്ള ഹോട്ടലില്‍ ദമ്പതികള്‍ ജോലിക്ക് പോകാറുണ്ടായിരുന്നു. എട്ട് മണിക്ക് പോയി 10.30നാണ് ഇവര്‍ തിരിച്ചുവന്നിരുന്നത്. ഇത്തരത്തില്‍ പോയിട്ട് ദമ്പതികള്‍ മടങ്ങി വന്നപ്പോള്‍ സതീഷിനെ സീലിങ് ഫാനില്‍ തൂങ്ങി മരിച്ച നിലയില്‍ കണ്ടെത്തുകയായിരുന്നു.
ഉടന്‍ തന്നെ കുട്ടിയെ സമീപമുള്ള ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. സതീഷ് പഠിക്കുന്നതില്‍ മോശമായിരുന്നു. കഴിഞ്ഞ ദിവസം നടന്ന പരീക്ഷയില്‍ അവന് മാര്‍ക്ക് കുറവായിരുന്നു. അവന്‍ പഠിക്കുന്നില്ലെന്ന് അധ്യാപകരും വിളിച്ച് അറിയിച്ചിരുന്നു. തുടര്‍ന്ന് താനും ഭാര്യയും അവനെ വഴക്ക് പറഞ്ഞെന്നും കുമാര്‍ പറഞ്ഞു. തുടര്‍ന്നാണ് കുട്ടി ഇത്തരമൊരും കടുംകൈ ചെയ്തതെന്നും കുമാര്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha