കാണാതായ പെണ്കുട്ടിയെ കണ്ടെത്തിയത് നഗ്നയായ നിലയില് സ്യൂട്കേസില്
ഒന്പതു വയസ്സുകാരിയെ ബലാത്സംഗം ചെയ്ത് കൊലപ്പെടുത്തിയ ശേഷം സ്യൂട്കേസിലാക്കി. ഡല്ഹിയിലെ ദയാല്പുരിലാണ് സംഭവം നടന്നത്. പെണ്കുട്ടിയെ കാണാതായതിനെ തുടര്ന്ന് കുടുംബം നടത്തിയ തിരച്ചിലിനൊടുവില് നെഹ്റു വിഹാറിലെ ഫ്ലാറ്റിന്റെ രണ്ടാം നിലയില്നിന്ന് നഗ്നയായ നിലയില് സ്യൂട്കേസില് കണ്ടെത്തി. രക്തം വാര്ന്ന നിലയില് അബോധാവസ്ഥയിലായിരുന്നു. പിന്നാലെ പെണ്കുട്ടിയുടെ പിതാവ് അവളെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
''പ്രാഥമിക പരിശോധനയ്ക്ക് ശേഷം ഡോക്ടര്മാര് അവള് മരിച്ചതായി അറിയിച്ചു. ലൈംഗികാതിക്രമത്തിന്റെ ലക്ഷണങ്ങള് കണ്ടെത്തി. കൊലപാതകം, പോക്സോ നിയമത്തിലെ സെക്ഷന് 6, ഗുരുതരമായ ലൈംഗികാതിക്രമം എന്നിവ പ്രകാരം കേസ് റജിസ്റ്റര് ചെയ്തിട്ടുണ്ട്'' ഡപ്യൂട്ടി പൊലീസ് കമ്മിഷണര് (നോര്ത്ത് ഈസ്റ്റ്) ആശിഷ് മിശ്ര പറഞ്ഞു.
ശനിയാഴ്ച ഉച്ചകഴിഞ്ഞ് അമ്മായിയുടെ വീട്ടില് പോയ പെണ്കുട്ടി പിന്നീട് തിരികെ എത്തിയിരുന്നില്ല. ഒരാള് അവളെ തന്റെ ഫ്ലാറ്റിലേക്ക് കൊണ്ടുപോയതായി പെണ്കുട്ടിയുടെ പിതാവ് പറഞ്ഞു. കുടുംബം ഫ്ലാറ്റില് എത്തിയപ്പോള് അത് പൂട്ടിയിരിക്കുകയായിരുന്നു. ഫ്ലാറ്റിന്റെ താക്കോല് സഹോദരന്റെ പക്കലാണെന്ന് വീട്ടുടമസ്ഥന് പറഞ്ഞു. പൂട്ട് പൊട്ടിച്ചപ്പോള് നഗ്നയായ പെണ്കുട്ടി അബോധാവസ്ഥയില് സ്യൂട്കേസില് നിന്ന് കണ്ടെത്തുകയായിരുന്നുവെന്നും പെണ്കുട്ടിയുടെ പിതാവ് പറഞ്ഞു. ഫൊറന്സിക് സംഘം സ്ഥലത്തെത്തി പരിശോധന നടത്തി. പ്രതിയെ കണ്ടെത്താന് സിസിടിവികള് കേന്ദ്രീകരിച്ച് അന്വേഷണം പുരോഗമിക്കുകയാണ്.
https://www.facebook.com/Malayalivartha
