കശ്മീരില് സൈന്യവുമായുള്ള ഏറ്റുമുട്ടലില് മൂന്ന് തീവ്രവാദികള് കൊല്ലപ്പെട്ടു
ജമ്മു കശ്മീരിലെ ത്രാലില് സൈന്യവുമായുള്ള ഏറ്റുമുട്ടലില് മൂന്ന് ഹിസ്ബുള് മുജാഹിദ്ദീന് തീവ്രവാദികള് കൊല്ലപ്പെട്ടു. മൂന്നുപേരും പ്രദേശവാസികളാണ്. പുല്വാമയിലെ ത്രാലില് അര്ദ്ധരാത്രിയാണ് ഏറ്റുമുട്ടല് നടന്നതെന്ന് സൈന്യം അറിയിച്ചു. ത്രാലിലെ ദാദ്സാരയില് തീവ്രവാദികള് തമ്പടിച്ചതായി വിവരം ലഭിച്ചതിനെ തുടര്ന്നാണ് കഴിഞ്ഞ ദിവസം സുരക്ഷാസേന ഇവിടെ പരിശോധനയ്ക്കെത്തിയത്.
ആഷീഖ് ഹുസൈന് ഭട്ട്, മുഹമ്മദ് ഇസാഖ് പാരയ്, അസിഫ് അഹമ്മദ് മീര് എന്നിവരാണ് കൊല്ലപ്പെട്ടതെന്ന് സൈന്യം അറിയിച്ചു. കഴിഞ്ഞ വര്ഷം ഉധംപൂരില് ബി.സ്.എഫ് സംഘത്തിനു നേര്ക്ക് ആക്രമണം നടത്തിയ തീവ്രവാദികള്ക്ക് അഭയം നല്കിയത് ഹുസൈന് ഭട്ടായിരുന്നുവെന്നും സൈന്യം വ്യക്തമാക്കി.
ഇവരില് നിന്ന് മൂന്ന് എ.കെ റൈഫിളുകളും പിടിച്ചെടുത്തിട്ടുണ്ട്. മേഖലയില് പരിശോധന തുടരുകയാണെന്ന് സൈന്യം കൂട്ടിച്ചേര്ത്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
