യ യമുന നദിയിൽ ജലനിരപ്പ് വീണ്ടും അപകടകരമാംവിധം ഉയർന്നു. ഇന്നും നദിയിലെ ജലനിരപ്പ് മുന്നറിയിപ്പ് ലെവലിന് മുകളിലായി ഒഴുകുകയാണ്. അധികൃതർ നൽകുന്ന വിവരമനുസരിച്ച്, പഴയ റെയിൽവേ പാലത്തിൽ രാവിലെ 7 മണിയോടെ ജലനിരപ്പ് 204.80 മീറ്ററായി രേഖപ്പെടുത്തി. ഞായറാഴ്ച വൈകുന്നേരം ഇത് ഏകദേശം 204.60 മീറ്ററായിരുന്നു.ഡൽഹിയിൽ യമുന നദിയുടെ മുന്നറിയിപ്പ് അടയാളം 204.50 മീറ്ററാണ്. അപകട അടയാളം 205.33 മീറ്ററാണെങ്കിൽ,

ആളുകളെ മാറ്റിപ്പാർപ്പിക്കേണ്ടത് 206 മീറ്ററിൽ ജലനിരപ്പ് എത്തുമ്പോഴാണ്.പഴയ റെയിൽവേ പാലം നദിയുടെ ഒഴുക്കും വെള്ളപ്പൊക്ക സാധ്യതകളും നിരീക്ഷിക്കുന്നതിനുള്ള ഒരു പ്രധാന കേന്ദ്രമായാണ് പ്രവർത്തിക്കുന്നത്.വസീറാബാദ്, ഹത്നികുണ്ഡ് ബാരേജുകളിൽ നിന്ന് ഓരോ മണിക്കൂറിലും ഉയർന്ന അളവിൽ വെള്ളം പുറത്തേക്ക് ഒഴുകുന്നതാണ് ജലനിരപ്പ് ഉയരാൻ കാരണമെന്ന് കേന്ദ്ര വെള്ളപ്പൊക്ക നിയന്ത്രണ വിഭാഗത്തിലെ ഒരു ഉദ്യോഗസ്ഥൻ പറഞ്ഞു. വെള്ളപ്പൊക്ക നിയന്ത്രണ വകുപ്പിന്റെ കണക്കനുസരിച്ച്,

ഹത്നികുണ്ഡ് അണക്കെട്ടിൽ നിന്ന് ഈ സീസണിലെ ഏറ്റവും ഉയർന്ന അളവിൽ 58,282 ക്യുസെക്സ് വെള്ളം തുറന്നുവിടുമ്പോൾ,വസീറാബാദിൽ നിന്ന് മണിക്കൂറിൽ 36,170 ക്യുസെക്സ് വെള്ളം തുറന്നുവിടുന്നുണ്ട്.മുംബൈയിലും സമീപ പ്രദേശങ്ങളിലും മണിക്കൂറില്‍ 60 കിലോമീറ്റര്‍ വേഗതയില്‍ കാറ്റ് വീശുമെന്ന് ഇന്ത്യന്‍ കാലാവസ്ഥാ വകുപ്പ് പ്രവചിച്ചു.തുടര്‍ച്ചയായ മഴയെത്തുടര്‍ന്ന് മിഥി നദിയിലെ ജലനിരപ്പ് ഉയര്‍ന്നു. ദിവസം മുഴുവന്‍ മഴ തുടര്‍ന്നാല്‍ വെള്ളപ്പൊക്ക സാധ്യതയുണ്ടെന്ന് മുന്നറിയിപ്പുണ്ട്. തുടർച്ചയായ മൂന്നാം ദിവസവും കനത്ത മഴ തുടരുന്ന സാഹചര്യത്തിൽ ഇന്ത്യൻ കാലാവസ്ഥാ വകുപ്പ്

(ഐഎംഡി) മുംബൈ നഗരത്തിലും മുംബൈ സബർബൻ ജില്ലകളിലും 'റെഡ്' അലർട്ട് പ്രഖ്യാപിച്ചു.അടുത്ത രണ്ട് മണിക്കൂറിനുള്ളിൽ കനത്തതോ അതിശക്തമായതോ ആയ മഴയ്ക്ക് സാധ്യത. കനത്ത മഴയെത്തുടർന്ന്, സെൻട്രൽ, വെസ്റ്റേൺ ലൈനുകളിൽ ലോക്കൽ ട്രെയിനുകൾ വൈകിയാണ് ഓടുന്നത്. (Mumbai Rains) കനത്ത മഴ നഗരത്തെ സാരമായി ബാധിച്ചു. പല ഇടങ്ങളിലും വെള്ളപ്പൊക്കത്തിനും ദൈനംദിന ജീവിതത്തെ തടസ്സപ്പെടുത്തുന്നതിനും മഴ കാരണമായി.

നഗരത്തിന്റെ ചില ഭാഗങ്ങളിൽ വെള്ളക്കെട്ട് തുടരുന്നതിനാൽ ഗതാഗതക്കുരുക്ക് രൂക്ഷമാകുന്നു. മുംബൈയിലെ ബോറിവാലി, താനെ, കല്യാൺ, മുളുന്ദ്, പവായ്, സാന്താക്രൂസ്, ചെമ്പൂർ, വോർലി, നവി മുംബൈ, കൊളാബ എന്നിവിടങ്ങളിൽ ഇന്ന് ഓറഞ്ച് അലർട്ട് പ്രഖ്യാപിച്ചിട്ടുണ്ട്.