പാലക്കാട് ചെറുമുണ്ടശേരിയില്‍ കനത്ത മഴയില്‍ ഒറ്റപ്പാലം അമ്പലപ്പാറ വീടിന്റെ അടുക്കള ഭാഗം ഇടിഞ്ഞുവീണു. മല്ലന്‍ചോല ചന്ദ്രന്‍ നായരുടെ വീടിന്റെ അടുക്കള ഭാഗമാണ് ഇടിഞ്ഞുവീണത്. ഇന്ന് ഉച്ചയ്ക്ക് 12.45ഓടെയായിരുന്നു സംഭവം.

അപകട സമയത്ത് ചന്ദ്രന്‍ നായരുടെ ഭാര്യ ജാനകി മാത്രമാണ് വീട്ടിലുണ്ടായിരുന്നത്. ചുമര്‍ ഇടിഞ്ഞുവീണപ്പോള്‍ അടുക്കള ഭാഗത്ത് ജാനകി ഉണ്ടായിരുന്നെങ്കിലും പരിക്കേല്‍ക്കാതെ രക്ഷപ്പെട്ടു. കുടിവെള്ളം സംഭരിക്കുന്ന പ്ലാസ്റ്റിക്ക് വീപ്പക്ക് മുകളിലേക്കാണ് ചുമര്‍ ഇടിഞ്ഞുവീണത്. കുറച്ചുഭാഗം അടുക്കളയിലെ സാധനങ്ങളുടെ മുകളിലേക്കും വീണു.