വാഴപ്പഴത്തിന് വേണ്ടി തമ്മിലടിച്ച പോലീസുകാര് ആശുപത്രിയില്
നൈറ്റ് പട്രോളിംഗിനിടെ തമ്മിലടിച്ച പോലീസുകാര് ആശുപത്രിയിലായി. ബുധനാഴ്ച രാത്രിയിലാണ് വാഴപ്പഴത്തിന് വേണ്ടി പോലീസുകാര് അടിയുണ്ടാക്കിയത്. സ്പെഷ്യല് സബ് ഇന്സ്പെക്ടര് രാധയും പോലീസ് െ്രെഡവര് ശരവണനും തമ്മിലാണ് അടിച്ചത്.
തിരുനവൈക്കലിലെ ശ്രീരംഗം സ്ട്രീറ്റില് പട്രോളിംഗിനിടെയാണ് സംഭവം. രാവിലെ കഴിക്കാനായി താന് കരുതിവച്ചിരുന്ന പഴം രാധ കഴിച്ചതാണ് പ്രകോപനമായത്. പട്രോളിംഗിന് ശേഷം പഴം എവിടെ എന്ന് ശരവണന് ചോദിച്ചപ്പോള് അത് താന് കഴിച്ചുവെന്ന് രാധ പറഞ്ഞു. ഇതേതുടര്ന്ന് ഇരുവരും തമ്മില് വാക്കുതര്ക്കത്തിലേര്പ്പെടുകയും അടി വീഴുകയുമായിരുന്നു.
പരസ്പര ആക്രമണത്തില് ഗുരുതരമായി പരുക്കേറ്റ ഇരുവരെയും ശ്രീരംഗം സര്ക്കാര് ആശുപത്രിയില് പ്രവേശിപ്പിച്ചു. കൃത്യസമയത്ത് ഇടപെട്ടില്ലായിരുന്നെങ്കില് ഇരുവരില് ഒരാള് കൊല്ലപ്പെടുമായിരുന്നെന്ന് സംഭവത്തിന് ദൃക്സാക്ഷിയായ മറ്റ് പോലീസുകാര് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
