ഗംഗാ നദി ജനങ്ങളുടെ ഹൃദയത്തിലാണെന്നും നദീ സംരക്ഷണത്തില്‍ സര്‍ക്കാര്‍ പ്രതിജ്ഞാബദ്ധമാണെന്നും കേന്ദ്രമന്ത്രി നിതിന്‍ ഗഡ്കരി. ഗംഗാനദിയുടെ സംരക്ഷണത്തിനായി 20 ശുദ്ധീകരണ നിലയങ്ങള്‍ സ്ഥാപിക്കാന്‍ തീരുമാനിച്ചിട്ടുണ്ട്. നദീതീരത്ത് പലയിടങ്ങളിലായി ശുദ്ധീകരണികള്‍ സ്ഥാപിക്കാന്‍ തുടങ്ങിയതായും മന്ത്രി അറിയിച്ചു. ജീവനകലയുടെ ലോക സാംസ്‌കാരികോത്സവത്തില്‍ സംസാരിക്കുകയായിരുന്നു അദ്ദേഹം. പരിസ്ഥിതി സംരക്ഷണത്തിന് ഞങ്ങള്‍ പ്രതിജ്ഞാബദ്ധരാണ്. ജലപാതകള്‍ വികസിപ്പിക്കുന്നത് മലിനീകരണം കുറയ്ക്കാന്‍ സഹായിക്കും. ഗംഗ ജനങ്ങളുടെ ഹൃദയത്തിലുള്ള വിഷയമാണ്. അതിന് വേണ്ടി വന്‍പദ്ധതികള്‍ തുടങ്ങിയിട്ടുണ്ട്. ജലം ശുദ്ധീകരിക്കുകയും അത് വ്യവസായത്തിന് പ്രയോജനപ്പെടുത്തുകയും ചെയ്യും. പരിസ്ഥിതി പ്രശ്‌നങ്ങള്‍ പ്രധാനമാണ്. അതേസമയം പുരോഗതിയെക്കുറിച്ചും വികസനത്തെക്കുറിച്ചും ബോധവാന്‍മാരാണെന്നും മന്ത്രി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha