ദസറ, ദീപാവലി ഉത്സവകാലത്തോടനുബന്ധിച്ച് ബെംഗളൂരു-കൊല്ലം റൂട്ടിൽ റെയിൽവേ പ്രത്യേകതീവണ്ടി സർവീസ് പ്രഖ്യാപിച്ചു. ഒക്ടോബർ നാല്, 11, 18 തീയതികളിൽ വൈകുന്നേരം മൂന്നിന് ബെംഗളൂരു എസ്എംവിടി സ്റ്റേഷനിൽനിന്ന് പുറപ്പെടുന്ന തീവണ്ടി (06219) അടുത്തദിവസം രാവിലെ 6.20-ന് കൊല്ലത്ത് എത്തിച്ചേരും.

മടക്ക തീവണ്ടി (06220) ഒക്ടോബർ അഞ്ച്, 12, 19 തീയതികളിൽ രാവിലെ 10.45-ന് കൊല്ലത്തുനിന്ന് പുറപ്പെട്ട് അടുത്തദിവസം പുലർച്ചെ 3.30-ന് എസ്എംവിടിയിൽ എത്തും.

കേരളത്തിൽ പാലക്കാട്, തൃശ്ശൂർ, ആലുവ, എറണാകുളം ടൗൺ, കോട്ടയം, ചങ്ങനാശ്ശേരി, തിരുവല്ല, ചെങ്ങന്നൂർ, മാവേലിക്കര, കായംകുളം എന്നിവിടങ്ങളിലും സ്റ്റോപ്പുകളുണ്ട്.