വിദ്യാര്ത്ഥിനിയെ ലൈംഗികമായി ഉപദ്രവിക്കുകയും ഭീഷണിപ്പെടുത്തുകയും ചെയ്ത അധ്യാപകന് അറസ്റ്റില്
ഉത്തര്പ്രദേശില് വിദ്യാര്ത്ഥിനിയെ ലൈംഗികമായി ഉപദ്രവിക്കുകയും വാട്സ്ആപ്പിലൂടെ അശ്ലീല ചിത്രങ്ങളും വീഡിയോകളും അയച്ച് ഭീഷണിപ്പെടുത്തുകയും ചെയ്ത വിവേക് ചൗഹാന് എന്ന അധ്യാപകന് അറസ്റ്റില്. ഉത്തര്പ്രദേശിലെ ആഗ്രയിലാണ് സംഭവം.
പോലീസിന്റെ പ്രാഥമിക അന്വേഷണപ്രകാരം, വിദ്യാര്ത്ഥിനിയുമായി ബന്ധപ്പെടാനായി അധ്യാപകന് ആദ്യം അവള്ക്ക് മൊബൈല് ഫോണ് നല്കി. തുടര്ന്ന് അശ്ലീല ഫോട്ടോകളും വീഡിയോകളും അയച്ചു തുടങ്ങി.
വാട്സ്ആപ്പിലൂടെ അശ്ലീല സന്ദേശങ്ങളും ചിത്രങ്ങളും വീഡിയോകളും അയക്കുന്നത് പതിവായതോടെയാണ് സംഭവം പുറത്തറിയുന്നത്. വിവരം പുറത്തുപറയരുതെന്ന് ഇയാള് വിദ്യാര്ത്ഥിനിയെ ഭീഷണിപ്പെടുത്തുകയും ചെയ്തിരുന്നു.
അധ്യാപകന്റെ ഉപദ്രവം സഹിക്കവയ്യാതെ വന്നതോടെ വിദ്യാര്ത്ഥിനി മാതാപിതാക്കളോട് വിവരം പറഞ്ഞു. ഉടന്തന്നെ മാതാപിതാക്കള് പോലീസില് പരാതി നല്കി. പരാതിയുടെ അടിസ്ഥാനത്തില് പോലീസ് കേസ് രജിസ്റ്റര് ചെയ്യുകയും പ്രതിയായ അധ്യാപകനെ അറസ്റ്റ് ചെയ്യുകയുമായിരുന്നു. സംഭവത്തില് വിശദമായ അന്വേഷണം നടന്നുവരികയാണെന്ന് പോലീസ് അറിയിച്ചു.
https://www.facebook.com/Malayalivartha
