പരീക്ഷ ഒഴിവാക്കാന്‍ അഞ്ചാംക്ലാസുകാരന്‍ ചെയ്തത്
17 OCTOBER 2025 05:34 PM IST
മലയാളി വാര്‍ത്ത
പരീക്ഷ ഒഴിവാക്കാന്‍ വിദ്യാര്‍ത്ഥിയുടെ വ്യജ ബോംബ് സന്ദേശം. ഡല്‍ഹിയിലെ സ്വകാര്യ സ്‌കൂളിലാണ് സംഭവം. പരീക്ഷ ഒഴിവാക്കാനാണ് അഞ്ചാം ക്ലാസുകാരന്‍ ഈ വഴി സ്വീകരിച്ചത്. വിശാല്‍ ഭാരതി പബ്ലിക് സ്‌കൂളിലെ പ്രിന്‍സിപ്പലിനാണ് സ്‌കൂള്‍ പരിസരത്ത് ബോംബ് സ്ഥാപിച്ചിട്ടുള്ളതായി വ്യക്തമാക്കി ഇമെയില്‍ ലഭിച്ചത്.
വിദ്യാര്‍ത്ഥിയെ പൊലീസ് പിടികൂടിയതായി ഉദ്യോഗസ്ഥര്‍ പറഞ്ഞു. ഇ മെയില്‍ സന്ദേശമെത്തിയതിന് പിന്നാലെ ബോംബ് നിര്‍വീര്യമാക്കല്‍ സ്‌ക്വാഡ്, ഡോഗ് സ്‌ക്വാഡ്, ഫയര്‍ ബ്രിഗേഡ് ടീമുകള്‍ എന്നിവര്‍ സ്‌കൂളിലെത്തി സമഗ്രമായ തെരച്ചില്‍ നടത്തി.
എന്നാല്‍ സംശയാസ്പദമായ ഒരു വസ്തുവും കണ്ടെത്തിയില്ലെന്നും ഭീഷണി വ്യാജമാണെന്ന് തിരിച്ചറിഞ്ഞെന്നും ഉദ്യോഗസ്ഥര്‍ കൂട്ടിച്ചേര്‍ത്തു. സംഭവത്തില്‍ പൊലീസ് കേസ് രജിസ്റ്റര്‍ ചെയ്ത് അന്വേഷണം നടത്തി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
