ബെംഗളൂരുവില്‍ എന്‍ജിനീയറിങ് വിദ്യാര്‍ഥിനി ബലാത്സംഗത്തിന് ഇരയായി
ബെംഗളൂരുവില്‍ സ്വകാര്യ എന്‍ജിനീയറിങ് വിദ്യാര്‍ഥിനിയെ ബലാത്സംഗം ചെയ്തതായി പരാതി. കോളജ് ക്യാമ്പസിനുള്ളിലെ ശുചിമുറിയില്‍ വെച്ച് ബലാത്സംഗം ചെയ്തത്. ആണ്‍കുട്ടികളുടെ ശുചിമുറിയില്‍വെച്ചാണ് സംഭവം നടന്നത്. അഞ്ചാം സെമസ്റ്റര്‍ ജൂനിയര്‍ വിദ്യാര്‍ഥിയെ ഹനുമന്തനഗര്‍ പൊലീസ് അറസ്റ്റ് ചെയ്തു. ഒക്ടോബര്‍ 10 നാണ് സംഭവം നടന്നത്. എഫ്‌ഐആര്‍ പ്രകാരം, ഏഴാം സെമസ്റ്ററില്‍ ബി.ടെക് വിദ്യാര്‍ഥിനിയായ പെണ്‍കുട്ടിക്ക് മൂന്ന് മാസമായി പ്രതി ജീവന്‍ ഗൗഡയെ അറിയാമായിരുന്നു.
ഉച്ചഭക്ഷണ സമയത്ത് പ്രതി വിദ്യാര്‍ഥിനിയെ വിളിക്കുകയും ആര്‍ക്കിടെക്ചര്‍ ബ്ലോക്കിന് സമീപം വരണമെന്ന് നിര്‍ബന്ധിക്കുകയും ചെയ്തിരുന്നു. വിദ്യാര്‍ഥിനിയെ ഇയാള്‍ നിര്‍ബന്ധിച്ച് ചുംബിക്കുകയും പുരുഷന്മാരുടെ ശുചിമുറിയിലേക്ക് വലിച്ചിഴച്ച് കൊണ്ടുപോകുകയും വാതില്‍ പൂട്ടുകയും ബലാത്സംഗം ചെയ്യുകയും ചെയ്തു. ഒപ്പം തന്നെ വിദ്യാര്‍ഥിനിയുടെ മൊബൈല്‍ ഫോണ്‍ തകര്‍ത്തുകളയുകയും പ്രതി ചെയ്തു. ഒക്ടോബര്‍ 15 നാണ് വിദ്യാര്‍ഥിനി പൊലീസില്‍ പരാതി നല്‍കിയത്.
https://www.facebook.com/Malayalivartha
