ഫുഡ് കണ്ടെയിനറുകള്‍ വീണ്ടും കഴുകി ഉപയോഗിക്കുന്നതായി റിപ്പോര്‍ട്ട്
അമൃത് ഭാരത് എക്‌സ്പ്രസില്‍ ട്രെയിനില്‍ ഉപയോഗിച്ച ഫുഡ് കണ്ടെയിനറുകള്‍ കാറ്ററിംഗ് ജീവനക്കാരന്‍ വീണ്ടും ഉപയോഗിക്കാനായി കഴുകുന്ന ദൃശ്യങ്ങള്‍ പ്രചരിച്ചതിന് പിന്നാലെ പ്രതികരണവുമായി റെയില്‍വേ. തമിഴ്‌നാട്ടില്‍ നിന്ന് ബീഹാറിലേക്ക് പോയ അമൃത് ഭാരത് എക്‌സ്പ്രസിലാണ് സംഭവം നടന്നത്.
ദൃശ്യങ്ങളിലുള്ള ജീവനക്കാരനെ ജോലിയില്‍ നിന്ന് മാറ്റിയതായും ട്രെയിനില്‍ ഭക്ഷണം വിതരണം ചെയ്യാന്‍ കരാറെടുത്ത കമ്പനിയുടെ ലൈസന്‍സ് റദ്ദാക്കാന്‍ നടപടി തുടങ്ങിയെന്നും റെയില്‍വേ അറിയിച്ചു.
കമ്പനിക്ക് കനത്ത പിഴ ചുമത്തുമെന്നും സംഭവത്തില്‍ അന്വേഷണം തുടങ്ങിയെന്നും ഇന്ത്യന്‍ റെയില്‍വേ കാറ്ററിംഗ് ആന്‍ഡ് ടൂറിസം കോര്‍പറേഷന്‍ ലിമിറ്റഡ് (ഐആര്‍സിടിസി) വ്യക്തമാക്കി. യാത്രക്കാരില്‍ ഒരാളാണ് ദൃശ്യങ്ങള്‍ സോഷ്യല്‍ മീഡിയയില്‍ പങ്കുവച്ചത്. പിന്നാലെ വീഡിയോ വലിയ രീതിയില്‍ വൈറലാകുകയായിരുന്നു. പ്രതികരണവുമായി യാത്രക്കാര്‍ എത്തിയതോടെയാണ് റെയില്‍വേ നടപടിയെടുത്തത്.
https://www.facebook.com/Malayalivartha
