ഒപ്പം താമസിച്ചിരുന്ന യുവതികളുടെ വസ്ത്രംമാറുന്ന ദൃശ്യം പകര്ത്തി അശ്ലീല സൈറ്റിലിട്ടു
ഹോസ്റ്റലില് ഒപ്പം താമസിച്ചിരുന്ന യുവതികളുടെ വസ്ത്രം മാറുന്നതിന്റെ ദൃശ്യങ്ങള് പകര്ത്തി ഭീഷണിപ്പെടുത്തി പണം തട്ടാന് ശ്രമിച്ച സംഭവത്തില് ചിക്കമംഗളൂരു സ്വദേശിനി പിടിയില്. മംഗളൂരുവിലെ ഹോസ്റ്റലില് ഒപ്പം താമസിച്ചിരുന്ന യുവതികളുടെ ദൃശ്യങ്ങളാണ് 26കാരിയായ നിരീക്ഷ പകര്ത്തിയത്. നഗ്ന ദൃശ്യങ്ങള് കാണിച്ച് യുവതികളോട് ഇവര് പണം ആവശ്യപ്പെടുകയും പണം നല്കാന് വിസമ്മതിച്ചതോടെ വീഡിയോ അശ്ലീല സൈറ്റുകളില് പ്രചരിപ്പിക്കുകയുമായിരുന്നു. നഗരത്തിലെ ആശുപത്രി ജീവനക്കാരിയാണ് നിരീക്ഷ.
ഉഡുപ്പിയില് അഭിഷേക് ആചാര്യ എന്നയാളുടെ മരണത്തിന് കാരണമായ ഹണിട്രാപ്പിലും നിരീക്ഷയ്ക്ക് പങ്കുണ്ടെന്നാണ് പൊലീസ് കണ്ടെത്തല്. യുവാവിന്റെ ആത്മഹത്യാ കുറിപ്പില് നിരീക്ഷയുടെ പേര് പരാമര്ശിക്കുന്നതായി പൊലീസ് വ്യക്തമാക്കി.
തനിക്കൊപ്പമുള്ള ദൃശ്യങ്ങള് കാണിച്ച് പണം തട്ടാന് നിരീക്ഷ ശ്രമിച്ചെന്നും പണം നല്കിയില്ലെങ്കില് അവ സമൂഹമാധ്യമത്തില് പ്രചരിപ്പിക്കുമെന്ന് ഭീഷണിപ്പെടുത്തിയെന്നും യുവാവ് കത്തില് വെളിപ്പെടുത്തിയതായി പൊലീസ് അറിയിച്ചെന്ന് മംഗളൂരുവിലെ പ്രാദേശിക മാധ്യമങ്ങള് റിപ്പോര്ട്ട് ചെയ്തു.
https://www.facebook.com/Malayalivartha
