അജിത് പവാറിന്റെ സംസ്കാര ചടങ്ങിനെത്തിയ ബോളിവുഡ് നടിക്ക് രൂക്ഷ വിമര്ശനം
വിമാനാപകടത്തില് അന്തരിച്ച മഹാരാഷ്ട്ര ഉപമുഖ്യമന്ത്രി അജിത് പവാറിന്റെ അനുസ്മരണ ചടങ്ങിനെത്തിയ നടിയും നര്ത്തകിയുമായ രാഖി സാവന്തിന് രൂക്ഷവിമര്ശനം. നടിയുടെ വസ്ത്രധാരണത്തിനാണ് വിമര്ശനമുയര്ന്നത്. ആദരാഞ്ജലി അര്പ്പിക്കാനെത്തിയ നടി. സ്ലിറ്റും ബൂട്ടും ഉള്ള ഒരു മെറൂണ് വണ്പീസ് ധരിച്ചാണ് എത്തിയത്.
തുടര്ന്നാണ് സോഷ്യല്മീഡിയയില് രൂക്ഷ വിമര്ശനമുണ്ടായത്. നടിയുടെ വസ്ത്രധാരണം ഔപചാരികവും പൊതുവായ പരിപാടിക്ക് അനുയോജ്യമല്ലെന്ന് നിരവധിപേര് അഭിപ്രായപ്പെട്ടു. ശവസംസ്കാര ചടങ്ങുകളിലോ അനുസ്മരണ ചടങ്ങുകളിലോ പങ്കെടുക്കുമ്പോള് മാന്യമായി വസ്ത്രം ധരിക്കുകയും മാന്യമായി പെരുമാറുകയും ചെയ്യണമെന്നും നിരവധി പേര് അഭിപ്രായപ്പെട്ടു.
ആദരാഞ്ജലി അര്പ്പിക്കാനാണോ അതോ റിയാലിറ്റി ഷോ സെറ്റിലാണോ എത്തിയതെന്ന് ഒരാള് കമന്റ് ചെയ്തു. പബ്ലിസിറ്റിക്ക് വേണ്ടി എന്തും ചെയ്യാന് തയാറാകരുതെന്നും ഇത്തരം സാഹചര്യങ്ങളില് മാന്യത പാലിക്കേണ്ടത് പ്രധാനമാണെന്ന് നെറ്റിസണ്സ് പറഞ്ഞു.
രാഖിയുടെ വൈകാരക പ്രകടനങ്ങള് അഭിനയമാണെന്നും അഭിപ്രായമുയര്ന്നു. ജനുവരി 28നാണ് ബാരാമതിയില് ഉണ്ടായ ദാരുണമായ വിമാനാപകടത്തില് അജിത് പവാറും ക്രൂവും സഹായികളും മരിച്ചത്. ബാരാമതിയിലെ ഒരു റാലിയില് സംസാരിക്കാന് പോകുമ്പോഴാണ് സംഭവം.
https://www.facebook.com/Malayalivartha
