കേന്ദ്ര ബജറ്റില് കേരളത്തെ അവഗണിച്ചെന്ന വിമര്ശനങ്ങള്ക്ക് മറുപടിയുമായി റെയില്വേ മന്ത്രി
കേന്ദ്ര ബജറ്റില് കേരളത്തെ അവഗണിച്ചെന്ന വിമര്ശനങ്ങള്ക്ക് മറുപടിയുമായി റെയില്വേ മന്ത്രി അശ്വിനി വൈഷ്ണവ്. കേരളത്തിന് റെയില്വേ വിഹിതത്തില് വന് വര്ധനവുണ്ടെന്നും, മെട്രോമാന് ശ്രീധരന്റെ പ്രവര്ത്തനങ്ങള്ക്ക് പൂര്ണ്ണ പിന്തുണ നല്കുമെന്നും അദ്ദേഹം പറഞ്ഞു
ദില്ലി: കേന്ദ്ര ബജറ്റില് കേരളത്തിന് വലിയ അവഗണനയെന്ന ആരോപണങ്ങളോട് പ്രതികരിച്ച് കേന്ദ്ര റെയില്വേ മന്ത്രി അശ്വിനി വൈഷ്ണവ് രംഗത്തെത്തി. റെയില്വേ വിഹിതത്തില് കേരളത്തിന് വന് വര്ധനവാണ് ബജറ്റില് പ്രഖ്യാപിച്ചതെന്ന് അശ്വിനി വൈഷ്ണവ് ചൂണ്ടിക്കാട്ടി. 3795 കോടി രൂപയാണ് ഇത്തവണ കേരളത്തിന് അനുവദിച്ചിരിക്കുന്നത്. യു പി എ സര്ക്കാരിന്റെ കാലത്തെക്കാള് പത്തിരട്ടി തുകയാണ് ഇതെന്നും മന്ത്രി വാര്ത്താസമ്മേളനത്തില് അവകാശപ്പെട്ടു. കേരളത്തിലെ അതിവേഗ റെയില് പദ്ധതിയുമായി മെട്രോമാന് ശ്രീധരന് മുന്നോട്ട് പോകുന്നതിലും റെയില്വേ മന്ത്രി പ്രതികരിച്ചു. ശ്രീധരന്റെ എല്ലാ പ്രവര്ത്തനങ്ങള്ക്കും കേന്ദ്ര സര്ക്കാരിന്റെ പിന്തുണയുണ്ടെന്നാണ് മന്ത്രി വ്യക്തമാക്കിയത്.
കേരളത്തിന്റെ റെയില് വികസനത്തെക്കുറിച്ച് അദ്ദേഹത്തോട് ചര്ച്ച നടത്തിയിരുന്നു. കേരളത്തില് ഹൈ സ്പീഡ് റെയില്വേ വരുമെന്നും അശ്വിനി വൈഷ്ണവ് ഉറപ്പ് പറഞ്ഞു. എന്നാല് ഇക്കാര്യത്തില് കൂടുതല് വ്യക്തത വരുത്താന് റെയില്വേ മന്ത്രി തയ്യാറായില്ല. കേരളത്തില് അതിവേഗ റെയില് പാത എപ്പോള് വരുമെന്ന ചോദ്യത്തിനും മന്ത്രി വ്യക്തമായ ഉത്തരം നല്കിയില്ല.
കേരളത്തിലെ പ്രധാന പദ്ധതികളായ മംഗലാപുരം ഷൊര്ണ്ണൂര് നാലാം പാതയുടെ ഡി പി ആര് നടപടികളും, 106 കിലോമീറ്റര് ദൈര്ഘ്യമുള്ള ഷൊര്ണ്ണൂര് എറണാകുളം മൂന്നാം പാതയുടെ ഫീല്ഡ് സര്വേയും പുരോഗമിക്കുകയാണ്. ശബരിപ്പാതയ്ക്കുള്ള എല്ലാ നടപടികളും പൂര്ത്തിയായതായും മന്ത്രി അറിയിച്ചു. തിരുനാവായഗുരുവായൂര് പുതിയ പാത പ്രഖ്യാപിച്ചെന്നും റെയില്വേ മന്ത്രി വ്യക്തമാക്കി.
സംസ്ഥാനത്തെ റെയില്വേ വികസനത്തിനായി ഭൂമി ഏറ്റെടുക്കല് നടപടികള് വേഗത്തിലാക്കാന് ആവശ്യപ്പെട്ട് മുഖ്യമന്ത്രിക്ക് പുതിയ കത്ത് നല്കുമെന്നും മന്ത്രി പറഞ്ഞു. എറണാകുളത്തെ ഡീസല് ഷെഡുമായി ബന്ധപ്പെട്ട് ഉയരുന്ന തര്ക്കങ്ങള് അനാവശ്യമാണെന്നും വെറുതെ വിവാദങ്ങള് ഉണ്ടാക്കുകയാണെന്നും അദ്ദേഹം കുറ്റപ്പെടുത്തി. കൂടാതെ, രാജ്യത്ത് ഏഴ് പുതിയ ബുള്ളറ്റ് ട്രെയിനുകള് കൂടി പ്രഖ്യാപിക്കുമെന്നും ഇതില് അഞ്ചെണ്ണം തെക്കേ പടിഞ്ഞാറന് ഇന്ത്യയെ കേന്ദ്രീകരിച്ചായിരിക്കുമെന്നും അശ്വിനി വൈഷ്ണവ് വ്യക്തമാക്കി.
https://www.facebook.com/Malayalivartha
