അഹമ്മദാബാദ് വിമാനദുരന്തത്തിന് സമാന തകരാര്; ലണ്ടന്- ബംഗളൂരു വിമാനം സര്വീസ് റദ്ദാക്കി
അഹമ്മദാബാദില് 260 പേരുടെ മരണത്തിന് കാരണമായ വിമാനത്തിനുണ്ടായ സമാന തകരാര് കണ്ടെത്തിയതിനെ തുടര്ന്നു ലണ്ടന്- ബംഗളൂരു എയര് ഇന്ത്യ വിമാനം കൂടുതല് പരിശോധനകള്ക്കായി സര്വീസിന് ഉപയോഗിക്കാതെ മാറ്റി. വിമാനത്തിന്റെ ഇന്ധന സ്വിച്ചില് തകരാറുണ്ടെന്ന് പൈലറ്റ് അറിയിച്ചതിനെ തുടര്ന്നാണു വിമാനം സര്വീസിനു ഉപയോഗിക്കാതെ മാറ്റിയത്. തിങ്കളാഴ്ച ലണ്ടന് ഹീത്രോയില് ബെംഗളൂരുവിലേക്കുള്ള സര്വീസിനായി തയാറാക്കിയ എയര് ഇന്ത്യ വിമാനത്തിലാണ് (അക132) തകരാര് ശ്രദ്ധയില്പ്പെട്ടത്.
'ബോയിങ് 787 ഡ്രീംലൈനര് വിമാനത്തിന്റെ ഇന്ധന നിയന്ത്രണ സ്വിച്ചില് തകരാര് സംഭവിച്ചതായി പൈലറ്റുമാരില് ഒരാള് റിപ്പോര്ട്ട് ചെയ്തിട്ടുണ്ട്. ഈ വിവരം ലഭിച്ചയുടന് പ്രസ്തുത വിമാനം പരിശോധനയ്ക്കായി മാറ്റി. വിഷയം ഡയറക്ടറേറ്റ് ജനറല് ഓഫ് സിവില് ഏവിയേഷന്റെ (ഡിജിസിഎ) ശ്രദ്ധയില്പ്പെടുത്തിയെന്നും എയര് ഇന്ത്യ അറിയിച്ചു. അഹമ്മദാബാദ് അപകടത്തിനു പിന്നാലെ ഡിജിസിഎയുടെ നിര്ദേശപ്രകാരം എയര് ഇന്ത്യ എല്ലാ ബോയിങ് വിമാനങ്ങളിലെയും ഇന്ധന നിയന്ത്രണ സ്വിച്ചുകള് പരിശോധനയ്ക്ക് വിധേയമാക്കിയിരുന്നു.
ഇന്ധന സ്വിച്ചിലുണ്ടാകുന്ന തകരാറിലൂടെ വിമാനം പറക്കുന്ന വേളയില് എന്ജിന് നിലയ്ക്കുവാന് കാരണമായേക്കും. അഹമ്മദാബാദിലുണ്ടായ അപകടത്തില് ടേക്ക് ഓഫ് ചെയ്തതിന് നിമിഷങ്ങള്ക്കകം വിമാനത്തിന്റെ രണ്ട് എന്ജിനുകളും നിലയ്ക്കുകയായിരുന്നു. കോക്പിറ്റ് വോയ്സ് റിക്കോര്ഡര് പരിശോധനയിലും ഇതിലേക്ക് നയിക്കുന്ന തെളിവുകളാണ് ലഭിച്ചത്.
https://www.facebook.com/Malayalivartha
