രാജസ്ഥാനില്‍ വിവാഹദിവസം പുലര്‍ച്ചെ രണ്ട് സഹോദരിമാരെ മരിച്ചനിലയില്‍ കണ്ടെത്തി. രാജസ്ഥാനിലെ ജോധ്പുരില്‍ മനായ് സ്വദേശികളായ ശോഭ (25), വിമല (23) എന്നിവരാണ് ജീവിതത്തിന്റെ പുതിയ ഘട്ടത്തിലേക്ക് കടക്കാനിരിക്കെ മരണത്തിന് കീഴടങ്ങിയത്. ശനിയാഴ്ച പുലര്‍ച്ചെ നാല് മണിയോടെയായിരുന്നു നാടിനെ നടുക്കിയ ഈ സംഭവം. പ്രാഥമിക നിഗമനമനുസരിച്ച് ഇരുവരും വിഷം ഉള്ളില്‍ ചെന്നാണ് മരിച്ചതെന്ന് പോലീസ് കരുതുന്നു.

വെള്ളിയാഴ്ച രാത്രി വൈകുംവരെ നീണ്ടുനിന്ന വിവാഹപൂര്‍വ്വ ചടങ്ങുകളില്‍ ശോഭയും വിമലയും ഏറെ സന്തോഷവതികളായി പങ്കെടുത്തുവെന്ന് ബന്ധുക്കള്‍ സാക്ഷ്യപ്പെടുത്തുന്നു. ബന്ധുക്കളോടും സുഹൃത്തുക്കളോടുമൊപ്പം പാട്ടും നൃത്തവുമായി സജീവമായിരുന്ന ഇരുവരും അര്‍ധരാത്രിയോടെയാണ് ഉറങ്ങാന്‍ പോയത്. എന്നാല്‍ പുലര്‍ച്ചെ വീട്ടുകാര്‍ കണ്ടത് അബോധാവസ്ഥയില്‍ കിടക്കുന്ന സഹോദരിമാരെയാണ്. ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

ആശുപത്രിയില്‍ നിന്ന് മരണം സ്ഥിരീകരിച്ച ഉടന്‍ തന്നെ അധികൃതരെ അറിയിക്കാതെ ബന്ധുക്കള്‍ മൃതദേഹങ്ങള്‍ വീട്ടിലെത്തിച്ചു. സംസ്‌കാര ചടങ്ങുകള്‍ക്കായി ധൃതിയില്‍ ഒരുക്കങ്ങള്‍ നടത്തുന്നതിനിടെയാണ് വിവരം പോലീസിന്റെ ശ്രദ്ധയില്‍പ്പെടുന്നത്. ഉടന്‍ സ്ഥലത്തെത്തിയ പോലീസ് സംഘം ചടങ്ങുകള്‍ തടയുകയും മൃതദേഹങ്ങള്‍ ഇന്‍ക്വസ്റ്റ് നടപടികള്‍ക്കായി മാറ്റി പോസ്റ്റ്‌മോര്‍ട്ടത്തിന് അയക്കുകയും ചെയ്തു.

പ്രാഥമിക നിഗമനമനുസരിച്ച് ഇരുവരും വിഷം ഉള്ളില്‍ ചെന്നാണ് മരിച്ചതെന്ന് പോലീസ് കരുതുന്നു. എന്നാല്‍ മരണകാരണം സംബന്ധിച്ച് പ്രാഥമിക നിഗമനമനുസരിച്ച് ഇരുവരും വിഷം ഉള്ളില്‍ ചെന്നാണ് മരിച്ചതെന്ന് പോലീസ് കരുതുന്നു. ഔദ്യോഗിക സ്ഥിരീകരണം നല്‍കാന്‍ പോസ്റ്റ്‌മോര്‍ട്ടം റിപ്പോര്‍ട്ട് വരുന്നത് വരെ കാത്തിരിക്കേണ്ടതുണ്ട്.