പശ്ചിമ ബംഗാളിൽ നിയമസഭാ തെരഞ്ഞെടുപ്പിന് കളമൊരുങ്ങവെ പ്രത്യേക തീവ്ര പരിഷ്കരണത്തിന് (SIR)ശേഷമുള്ള വോട്ടർ പട്ടിക കേന്ദ്ര തെരഞ്ഞെടുപ്പ് കമ്മീഷൻ പരസ്യപ്പെടുത്തി. പുതിയ പട്ടിക പ്രകാരം സംസ്ഥാനത്തെ ആകെ വോട്ടർമാരുടെ എണ്ണം 7.66കോടിയിൽ നിന്ന് 7.08കോടിയായി ചുരുങ്ങി.

മരണം,സ്ഥിരതാമസം മാറല്‍, ഇരട്ടിപ്പ്,വിലാസത്തിൽ ഇല്ലാത്തവർ എന്നീ കാരണങ്ങൾ ചൂണ്ടി കാട്ടി 58ലക്ഷത്തിലധികം വോട്ടർമാരെ പട്ടികയിൽ നിന്ന് ഒഴിവാക്കി. 2002-ന് ശേഷം ആദ്യമായാണ് സംസ്ഥാനത്ത് ഇത്രയും വിപുലമായ പരിശോധന.

പ്രസിദ്ധീകരിച്ച പട്ടികയിൽ വോട്ടർമാരെ 'അംഗീകരിച്ചവർ' (Approved), 'നീക്കം ചെയ്തവർ' (Deleted), 'പുനഃപരിശോധനയിലുള്ളവർ' (Under Adjudication)എന്നിങ്ങനെ മൂന്നായി തരംതിരിച്ചിരിക്കുകയാണ്.