ഇറാനിയൻ പരമോന്നത നേതാവ് അയത്തുള്ള അലി ഖമനേയിയുടെ മരണത്തിന് പിന്നാലെയുണ്ടായ പ്രതിഷേധങ്ങളുടെ പശ്ചാത്തലത്തിൽ കശ്മീർ താഴ്വരയിൽ ഇന്ന് മൊബൈൽ ഇന്റർനെറ്റ് നിയന്ത്രണം ഏര്‍പ്പെടുത്തി.

പ്രദേശത്ത് ക്രമസമാധാനം നിലനിർത്തുന്നതിന്റെ ഭാഗമായി മുൻകരുതൽ നടപടിയെന്ന നിലയിലാണ് ഇന്റർനെറ്റ് നിയന്ത്രണമെന്ന് ഉദ്യോഗസ്ഥർ .

ഇസ്രായേൽ-യുഎസ് സംയുക്ത ആക്രമണത്തിൽ ശനിയാഴ്ച തെഹ്റാനിലാണ് ഖമനേയി കൊല്ലപ്പെട്ടത്. ഞായറാഴ്ച ഇറാൻ സംസ്ഥാന മാധ്യമങ്ങൾ ഇക്കാര്യം സ്ഥിരീകരിച്ചിട്ടുണ്ടായിരുന്നു. ഇതോടെ ഇന്ത്യ ഉൾപ്പെടെ ലോകമെമ്പാടും പ്രതിഷേധ തരംഗവും പ്രകടനങ്ങളും ആരംഭിച്ചു.

ഏകദേശം15ലക്ഷത്തോളം ഷിയാ വിഭാഗക്കാർ അധിവസിക്കുന്ന കശ്മീരിൽ,ലാൽ ചൗക്ക്,സൈദ കടാൽ, ബുദ്ഗാം,ബാന്ദിപ്പോര, അനന്ത്നാഗ്,പുൽവാമ എന്നിവിടങ്ങളിൽ വ്യാപകമായ പ്രതിഷേധ പ്രകടനങ്ങൾ ആരംഭിച്ചു. അമേരിക്കൻ വിരുദ്ധ,ഇസ്രായേൽ വിരുദ്ധ മുദ്രാവാക്യങ്ങൾ മുഴക്കിക്കൊണ്ട് പ്രതിഷേധക്കാർ അണിനിരക്കുകയായിരുന്നു.