ഡി.എം.കെയും അണ്ണാ ഡി.എം.കെയും ഗൂഢാലോചന നടത്തിയെന്ന് രൂക്ഷവിമര്ശനവുമായി വിജയ്
സംസ്ഥാനത്തെ ഭരണ, പ്രതിപക്ഷ മുന്നണികള്ക്കെതിരെ രൂക്ഷവിമര്ശനവുമായി തമിഴക വെട്രി കഴകം അദ്ധ്യക്ഷന് വിജയ്. ടിവികെ അധികാരത്തിലെത്തുന്നത് തടയാന് ഡി.എം.കെയും അണ്ണാ ഡി.എം.കെയും ഗൂഢാലോചന നടത്തിയെന്ന് വിജയ് ആരോപിച്ചു. തഞ്ചാവൂര് ജില്ലയിലെ അയ്യസാമിപ്പട്ടിയില് നടന്ന പാര്ട്ടി പ്രവര്ത്തകരുടെ സമ്മേളനത്തില് സംസാരിക്കുകയായിരുന്നു വിജയ്.
രാഷ്ട്രീയം പിരിവ് അല്ല, ജനങ്ങളെ സേവിക്കാനാണ് ഞാന് രാഷ്ട്രീയത്തിലേക്ക് വന്നത്. നമ്മുടെ ശത്രുക്കള്ക്കിത് നന്നായി അറിയാം. അതുകൊണ്ടാണ് എനിക്കു ചുറ്റും ഇത്രയധികം ഗൂഢാലോചനകള് നടക്കുന്നത്. അവയില് പ്രധാനം മറ്റാരെങ്കിലും അധികാരത്തില് വരുന്നത് തടയാന് അവര് തമ്മിലുള്ള ഒരു കരാറാണ്. ഒന്നുകില് നീ, അല്ലെങ്കില് ഞാന്, ഞാനല്ലെങ്കില് നീ, നീയല്ലെങ്കില് ഞാന്, നമുക്കിടയില് മറ്റാരും വരരുത്. നമ്മള് രണ്ടുപേര്ക്കും മാത്രമേ ജനങ്ങളെ എളുപ്പത്തില് വഞ്ചിക്കാന് സാധിക്കൂ. ഇപ്പോള് ഈ വിജയ് വന്നതോടെ അവരുടെ ഉപദീവന മാര്ഗം ഇല്ലാതായിരിക്കുന്നു എന്നും വിജയ് പരിഹസിച്ചു.
ബാഹ്യമായി അവര് പരസ്പരം ഭിന്നതയിലാണെന്ന് തോന്നിപ്പിക്കുന്നു. എന്റെ രാഷ്ട്രീയ പ്രവേശനം കാരണം അവരുടെ പദ്ധതി നടക്കില്ലെന്ന് അവര് മനസിലാക്കിയെന്നും വിജയ് പറഞ്ഞു. ഡി.എം.കെ സര്ക്കാരിനെ 'ഒരു വഞ്ചനാപരമായ സര്ക്കാര്' എന്ന് വിജയ് വിശേഷിപ്പിച്ചു. അതേസമയം,ജനനായകന് റിലീസ് പ്രശ്നത്തിലില് അനുകൂല അഭിപ്രയം പറഞ്ഞതിന് മുഖ്യമന്ത്രി എം.കെ. സ്റ്റാലിനുള്ള നന്ദി അറിയിച്ചു.
അഞ്ച് ഏക്കര് വരെ ഭൂമി കൈവശം വച്ചിരിക്കുന്ന കര്ഷകരുടെ സഹകരണ വിള വായ്പകള് എഴുതിത്തള്ളുമെന്ന് വിജയ് വാഗ്ദാനം ചെയ്തു. അഞ്ച് ഏക്കറില് കൂടുതല് ഭൂമിയുള്ളവര്ക്ക് 50% വരെ ഇളവ് പരിഗണിക്കും. രണ്ട് ഏക്കര് വരെ ഭൂമിയുള്ള കര്ഷകരുടെയും ഭൂരഹിത തൊഴിലാളികളുടെയും കുട്ടികളുടെ വിദ്യാഭ്യാസ ചെലവുകള് സര്ക്കാര് വഹിക്കും. മത്സ്യത്തൊഴിലാളികളുടെ സുരക്ഷ ഉറപ്പാക്കുമെന്നും അദ്ദേഹം ഉറപ്പുനല്കി.
https://www.facebook.com/Malayalivartha
