രാജ്യത്തെ വിവിധ സംസ്ഥാനങ്ങളിലെ ഗവര്ണര്മാരെ മാറ്റി നിയമിച്ചു; തമിഴ്നാട് ഗവര്ണറിന്റെ അധിക ചുമതല കേരള ഗവര്ണര് രാജേന്ദ്ര ആര്ലേക്കറിന്
പശ്ചിമ ബംഗാള് ഗവര്ണര് സിവി ആനന്ദബോസിന്റെ രാജി അംഗീകരിച്ചതിന് പിന്നാലെയാണ് പുതുതായി ഗവര്ണര്മാരെ മാറ്റി നിയമിച്ചുകൊണ്ടുള്ള ഉത്തരവ് രാഷ്ട്രപതിയിറക്കി. ആനന്ദബോസിന് പകരമായി തമിഴ്നാട് ഗവര്ണര് ആര്എന് രവിയെ പശ്ചിമ ബംഗാള് ഗവര്ണറായി നിയമിച്ചു. ആര്എന് രവിക്ക് പകരം തമിഴ്നാട് ഗവര്ണറിന്റെ അധിക ചുമതല കേരള ഗവര്ണര് രാജേന്ദ്ര ആര്ലേക്കറിന് നല്കി. മുന് കേരള ഗവര്ണര് ആരിഫ് മുഹമ്മദ് ഖാനെയും ബിഹാര് ഗവര്ണര് സ്ഥാനത്ത് നിന്ന് മാറ്റി. റിട്ട. ലെഫ്റ്റ്നന്റ് ജനറല് സയ്യിദ് അത ഹസൈന് ആണ് പുതിയ ബിഹാര് ഗവര്ണര്.
പുതിയ ദില്ലി ലഫ്. ഗവര്ണറായി തരണ്ജിത് സിങ് സന്ധുവിനെ നിയമിച്ചു. ദില്ലി ലഫ്. ഗവര്ണര് വിനയ്!കുമാര് സക്സേനെയെ ലഢാക്ക് ലഫ്. ഗവര്ണറായും തെലങ്കാന ഗവര്ണര് ജിഷ്ണു ദേവ് വര്മ്മയെ മഹാരാഷ്ട്ര ഗവര്ണറായും നന്ദകിഷോര് യാദവിനെ നാഗാലാന്ഡ് ഗവര്ണറായും നിയമിച്ചു. രാജിവെച്ച ലഡാക്ക് ലഫ്. ഗവര്ണര് കവിന്ദര് ഗുപ്തയെ ഹിമാചല് പ്രദേശ് ഗവര്ണറായി നിയമിച്ചു. ഹിമാചല് പ്രദേശ് ഗവര്ണറായിരുന്ന ശിവപ്രതാപ് ശുക്ലയെ പുതിയ തെലങ്കാന ഗവര്ണറായും നിയമിച്ചു. രാജിവെച്ച ആനന്ദ ബോസിന് പുതിയ ചുമതലകളൊന്നും നല്കിയിട്ടില്ല.
https://www.facebook.com/Malayalivartha
