മൂന്ന് തവണ വിഷം കൊടുത്ത് കൊല്ലാന് ശ്രമിച്ചു:ഒടുവില് വാടക കൊലയാളിയെ കൊണ്ട് വാഹനമിടിപ്പിച്ചു കൊലപ്പെടുത്തി; അധ്യാപികയുടെ മരണത്തില് ഭര്ത്താവ് ഉള്പ്പെടെ മൂന്ന് പേര് പിടിയില്
ഭാര്യയെ വാടക കൊലയാളിയെ കൊണ്ട് വാഹനമിടിപ്പിച്ചു കൊലപ്പെടുത്തിയ ഭര്ത്താവും കൂട്ടാളികളും അറസ്റ്റില്. മഹാരാഷ്ട്രയിലെ ബുല്ദാനയിലായിരുന്നു സംഭവം. അധ്യാപികയായ വൃഷാലിയെയാണ് ഭര്ത്താവ് പ്രകാശ് ഗവാണ്ടെ കൊലപ്പെടുത്തിയത്. കുടുംബ കലഹമാണ് കൊലപാതകത്തിന് കാരണമെന്നാണ് പൊലീസിന്റെ പ്രാഥമിക നിഗമനം.
മാര്ച്ച് 2 ന് വെള്ള നിറത്തിലുള്ള ടാറ്റ കാര് വൃഷാലിയുടെ സ്കൂട്ടറില് ഇടിക്കുകയും ഇടിയുടെ ആഘാതത്തില് വൃഷാലി റോഡിലേക്ക് വീണു അവിടെ വെച്ച് തന്നെ മരണം സംഭവിക്കുകയുമായിരുന്നു. ആദ്യം ഇതൊരു അപകട മരണമായിട്ടാണ് പോലീസ് കരുതിയായത്. എന്നാല് കാറിനെ ചുറ്റിപ്പറ്റിയുള്ള അന്വേഷണത്തിനിടെയാണ് കൊലപാതകമാണെന്ന സംശയം പൊലീസിന് തോന്നിയത്.
കാര് ചുറ്റിയുള്ള അന്വേഷണത്തില് അത് മനീഷ് സൂര്യവംശി എന്നയാളുടേതാണെന്ന് പൊലീസ് കണ്ടെത്തി. തുടര്ന്ന് ഇയാളെ ചോദ്യം ചെയ്തപ്പോഴാണ് പ്രകാശ് വൃഷാലിയെ കൊലപ്പെടുത്താനായി മങ്കേഷ് എന്നയാള്ക്ക് ഒരു ലക്ഷം രൂപ നല്കിയതായി പറയുന്നത്. മൂന്ന് പ്രതികളെയും പൊലീസ് അറസ്റ്റ് ചെയ്തു. മുമ്പ് മൂന്ന് തവണ വൃഷാലിയെ വിഷം നല്കി കൊലപ്പെടുത്താന് പ്രകാശ് ശ്രമിച്ചിരുന്നതായും പോലീസ് കണ്ടെത്തി. ഇനി വിശദമായി ചോദ്യംചെയ്താല് മാത്രമേ കൊലപാതകത്തിന് കൃത്യമായ കാരണം അറിയാന് കഴിയൂ എന്ന് പൊലീസ് പറഞ്ഞു.
https://www.facebook.com/Malayalivartha
