ബംഗളൂരുവില് വനിതകള്ക്കും ട്രാന്സ്ജെന്ഡര്മാര്ക്കും സൗജന്യ ഇലക്ട്രിക് ഓട്ടോകള് വിതരണം ചെയ്തു
ബംഗളുരുവില് വനിതാ, ട്രാന്സ്ജെന്ഡര് എന്നിവര്ക്ക് ഉപജീവനമാര്ഗം പ്രോത്സാഹിപ്പിക്കാനായി സര്ക്കാരിന്റെ സൗജന്യ ഓട്ടോറിക്ഷ വിതരണം. സര്ക്കാര്, ബി.പി.എ.സി. ഐ.ടി. ബിസിനസ് കണ്സള്ട്ടിങ് സ്ഥാപനമായ സി.ജി.ഐ. എന്നിവരുമായി ചേര്ന്ന് സംഘടിപ്പിച്ച ഡ്രൈവിങ് പരിശീലനം പൂര്ത്തിയാക്കിയവര്ക്കാണ് ആദ്യഘട്ടത്തില് 20 സൗജന്യ ഇലക്ട്രിക് ഓട്ടോറിക്ഷകള് കൈമാറിയത്.
കഴിഞ്ഞ മാസമാണ് ഗതാഗതമന്ത്രി രാമലിംഗ റെഡ്ഡി പദ്ധതിയുടെ ഉദ്ഘാടനം നിര്വഹിച്ചത്. അതിന് ശേഷം ഏകദേശം ഒമ്പത് നിയമസഭാ മണ്ഡലങ്ങളിലായി 500ലധികം സ്ത്രീകള്ക്കും ട്രാന്സ്ജെന്ഡര് വിഭാഗങ്ങള്ക്കും ആയിരുന്നു സൗജന്യമായി വാഹന പരിശീലനം നല്കിയിരുന്നത്.
അതില് നിന്ന് പരിശീലനം പൂര്ത്തിയാക്കിയ 20 പേര്ക്കാണ് ഓട്ടോ നല്കിയത്. എല്ലാ നിയമസഭാ മണ്ഡലങ്ങളിലേക്കും ഘട്ടംഘട്ടമായി ഈ സംരംഭം വര്ധിപ്പിക്കാനായി സര്ക്കാര് പദ്ധതി ഇടുന്നത്.
https://www.facebook.com/Malayalivartha
