തിരഞ്ഞെടുപ്പില്‍ തമിഴക വെട്രി കഴകം തനിച്ച് തന്നെ മത്സരിക്കും. 234 മണ്ഡലങ്ങളിലേക്കുമുള്ള ടിവികെ സ്ഥാനാര്‍ഥികളെ നാളെ പ്രഖ്യാപിക്കും. രാവിലെ പതിനൊന്ന് മണിയ്ക്ക് ചെന്നൈയിലാണ് പ്രഖ്യാപനം. മഹാബലിപുരത്തായിരുന്നു ആദ്യം യോഗം പറഞ്ഞിരുന്നത്. എന്നാല്‍ അവിടെ അനുമതി നിഷേധിച്ചതിനാലാണ് ചെന്നൈയിലേക്ക് വാര്‍ത്താസമ്മേളനം മാറ്റിയത്.

എന്‍ഡി മുന്നണിയിലേക്ക് വിജയ് എത്തും എന്നുള്ള തരത്തിലുള്ള വാര്‍ത്തകള്‍ ഉണ്ടായിരുന്നപ കോണ്‍ഗ്രസും ടിവികെയും തമ്മിലൊരു സഖ്യരൂപീകരണം ഉണ്ടാകും തുടങ്ങിയ തരത്തിലുള്ള സൂചനകളും പുറത്തുവന്നിരുന്നതാണ്. എന്നാല്‍ അഭ്യൂഹങ്ങള്‍ തള്ളി ഒറ്റയ്ക്ക് മത്സരിക്കാനാണ് ടിവികെയുടെ തീരുമാനം. നാളെ തന്നെ സ്ഥാനാര്‍ഥികളെ പ്രഖ്യാപിച്ച് പ്രചാരണ പരിപാടിയിലേക്ക് കടക്കാനാണ് തീരുമാനം.

ഇരുപത്തിയെട്ടാം തീയതി വിജയ് ചെന്നൈയില്‍ നിന്നാണ് പര്യടനം ആരംഭിക്കുന്നത്. ഇരുപത്തിയെട്ടിന് രാവിലെ പെരമ്പൂരില്‍ നിന്നാകും പര്യടനം ആരംഭിക്കുക. പെരമ്പൂരില്‍ വിജയ് മത്സരിക്കാന്‍ സാധ്യതയുണ്ടെന്ന വാര്‍ത്തകളുണ്ട്. ചെന്നൈയിലുള്ള പെരുമ്പാവൂരില്‍ ആരംഭിച്ച് അഞ്ച് മണ്ഡലങ്ങളില്‍ പര്യടനം സമാപിക്കുന്ന രീതിയിലാണ് പ്രചരണ പരിപാടികള്‍.