രണ്ടു ദിവസമായി കാണാതായ യുവതി അയല്വാസിയുടെ വീട്ടില് മരിച്ച നിലയില്
രണ്ടു ദിവസമായി കാണാതായ യുവതിയെ അയല്വാസിയുടെ വീട്ടില് മരിച്ച നിലയില് കണ്ടെത്തി. ഗുജറാത്തിലെ ജാംനഗറിലാണ് സംഭവം. സ്ത്രീയെ കഴുത്ത് ഞെരിച്ച് കൊലപ്പെടുത്തിയ പ്രതി തന്നെ സംശയിക്കാതിരിക്കാനായി അവരുടെ മക്കളോടൊപ്പം തിരച്ചില് നടത്തിയിരുന്നു. ജാംനഗര് പൊലീസ് ഉടന് തന്നെ സംഭവസ്ഥലത്തെത്തി മൃതദേഹം പോസ്റ്റ്മോര്ട്ടത്തിനായി അയച്ചു. കഴുത്ത് ഞെരിച്ചാണ് കൊലപ്പെടുത്തിയതെന്നാണ് പ്രാഥമിക നിഗമനം.
ഉത്തര്പ്രദേശിലെ മഥുര സ്വദേശിയായ റിങ്കിദേവി ബന്തു സിങ് 2021ല് ഭര്ത്താവിന്റെ മരണത്തെ തുടര്ന്ന് ജാംനഗറില് തന്റെ മൂന്ന് മക്കളോടൊപ്പം താമസിച്ചുവരികയായിരുന്നു. ജോലി കഴിഞ്ഞ് സ്ത്രീ വീട്ടിലേക്ക് മടങ്ങിയെത്താതിരുന്നതിനെ തുടര്ന്ന് മക്കള് പൊലീസില് പരാതി നല്കുകയും തിരച്ചില് നടത്തുകയും ചെയ്തു.
അന്വേഷണത്തില് താഴെയുള്ള വീട്ടില് താമസിച്ചിരുന്ന വിജയ് ഓഡിച്ചിന്റെ വീട്ടില് നിന്നാണ് റിങ്കിദേവിയുടെ മൃതദേഹം കണ്ടെത്തിയത്. റിങ്കിദേവിയും അയാളുമായി സഹോദരതുല്യമായ ബന്ധമായിരുന്നെന്ന് മക്കള് പറഞ്ഞു.
https://www.facebook.com/Malayalivartha
