രാഹുല് ഗാന്ധി തനിക്ക് ചില ഉറപ്പുകള് നല്കിയിട്ടുണ്ടെന്നു കെ സുധാകരന്
രാഹുല് ഗാന്ധി തനിക്ക് ചില ഉറപ്പുകള് നല്കിയിട്ടുണ്ടെന്നും അവ പാലിക്കുമെന്നാണ് പ്രതീക്ഷയെന്നും സുധാകരന്. രാഹുല് ഗാന്ധിയുമായുള്ള കൂടിക്കാഴ്ചയ്ക്ക് പിന്നാലെ മാധ്യമങ്ങളോട് പ്രതികരിക്കുകയായിരുന്നു കെ സുധാകരന്. മുഖ്യമന്ത്രി സ്ഥാനത്തേക്ക് രമേശ് ചെന്നിത്തലയുടെ പേര് നിര്ദേശിച്ചതില് ഉറച്ച് നില്ക്കുന്നുവെന്നും സുധാകരന് കൂട്ടിച്ചേര്ത്തു. പാര്ട്ടി ആവശ്യപ്പെട്ടത് കൊണ്ടാണ് കണ്ണൂരില് മത്സരിക്കാതെ മാറി നിന്നതെന്നും രാഹുല് ഗാന്ധിയെ കണ്ടതില് അതീവ സന്തോഷമെന്നും അദ്ദേഹം കൂട്ടിച്ചേര്ത്തു.
നിയമസഭാ തെരഞ്ഞെടുപ്പില് സീറ്റ് കിട്ടാത്തതില് ഇടഞ്ഞ കെ സുധാകരന് കുടുംബവുമായി ദില്ലിയിലെത്തിയാണ് രാഹുല് ഗാന്ധിയെയും കോണ്ഗ്രസ് ദേശീയ അധ്യക്ഷന് മല്ലികാര്ജുന് ഖാര്ഗെയെയും കണ്ടത്. കേരളത്തിലെ ജനങ്ങള്ക്ക് വേണ്ടി ജീവിതം മുഴുവന് പോരാടിയ നേതാവാണ് കെ സുധാകരനെന്നും യഥാര്ത്ഥ കോണ്ഗ്രസ് പോരാളിയാണെന്നും കൂടിക്കാഴ്ചയ്ക്ക് ശേഷം രാഹുല് ഗാന്ധി എക്സില് കുറിച്ചു. നിയമസഭാ തെരഞ്ഞെടുപ്പില് പൂര്ണ സഹകരണം ഉറപ്പാക്കാനാണ് കൂടിക്കാഴ്ച. കെസിയും വേണുഗോപാലും കൂടിക്കാഴ്ചയില് പങ്കെടുത്തിരുന്നു.
https://www.facebook.com/Malayalivartha
