ഡല്ഹിയിലെ ഡീസല് ടാക്സി നിരോധനം: നിരവധി പേരുടെ ഉപജീവനത്തെ ബാധിക്കുമെന്ന് ഡ്രൈവിംഗ് യൂണിയന്
ഡല്ഹിയില് ഡീസല് ടാക്സി നിരോധിച്ചത് 30,000 ഓളം ഡ്രൈവര്മാരുടെ ഉപജീവനത്തെ ബാധിക്കുമെന്നു ഡല്ഹി കോമേഴ്സല് ഡ്രൈവിംഗ് യൂണിയന്. അന്തരീക്ഷ മലിനീകരണം വര്ധിച്ചത്തോടെ സിഎന്ജി വാഹനങ്ങള് ഒഴികെയുള്ള ടാക്സികള് ഈ മാസം ഒന്നു മുതല് സുപ്രീംകോടതി നിരോധിച്ചിരുന്നു. സുപ്രീംകോടതി ഉത്തരവിനെതിരെ ഡ്രൈവേഴ്സ് യൂണിയന് ഡല്ഹി മുഖ്യമന്ത്രി അരവിന്ദ് കേജരിവാള്, പ്രധാനമന്ത്രി നരേന്ദ്രമോദി, രാഷ്ട്രപതി പ്രണാബ് മുഖര്ജി എന്നിവരെ സമീപിച്ചു.
നിരത്തിലോടുന്ന ടാക്സികളില് ഭൂരിഭാഗവും രണ്ടു വര്ഷത്തില് താഴെ പഴക്കമുള്ളവയാണ്. ഇവയ്ക്കു ലോണുകള് ഉണ്ടൈന്നും നിരോധനം വന്നതോടെ വായ്പ തിരിച്ചടയ്ക്കുന്നതില് പ്രതിസന്ധി നേരിടുന്നു
ണ്ടെന്നും യൂണിയന് പ്രസിഡന്റ് കമല്ജീറ്റ് ഗീല് പറഞ്ഞു. ഡീസല് വാഹനങ്ങള് സിഎന്ജിയിലേക്കു മാറ്റുന്നതിനു 2.5 ലക്ഷം രൂപ ചെലവു വരും ഇതു പ്രയോഗികമല്ലെന്നും യൂണിയന് പ്രതിനിധികള് പറയുന്നു. ഡീസല് കാറുകളുടെ ഉപയോഗം മൂലം ലക്ഷക്കണക്കിനു ഡോളറിന്റെ വരുമാനമാണു രാജ്യത്തിനു നേടികൊടുക്കുന്നത്.
ഡീസല് കാറുകള് ഘട്ടഘട്ടമായി നിരോധിക്കുന്നതിന് ആവശ്യമായ സമയം അനുവദിക്കണമെന്നാവശ്യപ്പെടു ഡല്ഹി സര്ക്കാര് കോടതി സമീപിച്ചിടുണ്ട്. കേസില് മേയ് ഒന്പതിനാണ് വാദം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
