മുംബൈയില്‍ പാര്‍ക്കിംഗ് തര്‍ക്കത്തെത്തുടര്‍ന്ന് മദ്യലഹരിയിലായിരുന്ന യുവാവ് ഓട്ടോ ഡ്രൈവറുടെ മോതിര വിരലില്‍ വെട്ടി. ഇരുപത്തിനാലുകാരനായ രാകേഷ് രാജ്പുത്ത് എന്ന യുവാവാണ് 42 കാരനായ ഭഗ്വാന്‍ അപ്പ കെങ്ങര്‍ എന്ന ഓട്ടോ ഡ്രൈവറെ ആക്രമിച്ചത്. സംഭവത്തിന് ശേഷം പ്രതി പോലീസില്‍ കീഴടങ്ങി. സംഭവത്തെ കുറിച്ച് പോലീസ് ഭാഷ്യം ഇങ്ങനെയാണ്, രാത്രി പതിനൊന്നരയോടെ ഓട്ടം കഴിഞ്ഞ് തിരിച്ചെത്തിയ ഭഗ്വാന്‍ എന്നും ഓട്ടോ പാര്‍ക്ക് ചെയ്യുന്ന സ്ഥലത്ത് മറ്റൊരു ബൈക്ക് പാര്‍ക്ക് ചെയ്തിരിക്കുന്നത് കണ്ടു. അതില്‍ രാകേഷും ഇരിക്കുന്നുണ്ടായിരുന്നു. താന്‍ ഓട്ടോ പാര്‍ക്ക് ചെയ്യുന്ന സ്ഥലമാണിതെന്ന് പറഞ്ഞിട്ടും യുവാവ് അത് ചെവിക്കൊണ്ടില്ല. അതിനു ശേഷം ഭഗ്വാന്‍ ഓട്ടോ ബൈക്കിനു സമീപമായി പാര്‍ക്ക് ചെയ്ത ശേഷം വീട്ടിലേക്കു പോയി. മദ്യപിച്ചിരുന്ന പ്രതി ഭഗ്വാന്റെ വീട്ടില്‍ എത്തി അയാളെ ആക്രമിക്കുകയും മൂര്‍ച്ചയേറിയ കത്തി കൊണ്ട് വിരലില്‍ വെട്ടുകയും ചെയ്തു. ഇതോടെ ഭഗ്വാന്റെ മോതിരവിരല്‍ അറ്റുപോയി. സെക്ഷന്‍ 307 അനുസരിച്ച് പ്രതിയ്‌ക്കെതിരെ പോലീസ് കേസ് രജിസ്റ്റര്‍ ചെയ്തു.പ്രതി ഇപ്പോള്‍ റിമാന്‍ഡിലാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha