ശബരിമലയില്‍ സ്ത്രീകളെ പ്രവേശിപ്പിക്കണം എന്ന ആവശ്യവുമായി ഈ മാസം ശബരിമലയില്‍ എത്തുമെന്ന് ഭൂമാത ബ്രിഗേഡ് പ്രവര്‍ത്തകയായ തൃപ്തി ദേശായി .സ്ത്രീകളെയും ശബരിമല ക്ഷേത്രത്തില്‍ പ്രവേശിപ്പിക്കാന്‍ അനുവദിക്കണമെന്നും, പ്രാര്‍ത്ഥിക്കാന്‍ തുല്യാവകാശം നല്‍കണമെന്നുമുള്ള ആവശ്യം ക്ഷേത്രം ട്രസ്റ്റികള്‍ക്കു മുന്നില്‍ സമര്‍പ്പിക്കുമെന്നും തൃപ്തി. രണ്ടു ദിവസത്തിനകം ട്രസ്റ്റിനു കത്തയക്കും, ആവശ്യങ്ങള്‍ അംഗീകരിച്ച് പഴയകാല ആചാരങ്ങള്‍ക്കു മാറ്റം വരുത്തുമെന്ന് തന്നെയാണു പ്രതീക്ഷിക്കുന്നതെന്നും സ്ത്രീ കളുടെ തുല്ല്യവകാശത്തിനു പോരാടുന്ന ഭൂമാതാ ബ്രിഗേഡ് പ്രവര്‍ത്തകയായ തൃപ്തി ദേശായി. ശബരിമലയില്‍ എത്തുന്ന ദിവസം തീരുമാനിച്ചിട്ടില്ല, പതിനഞ്ചൊ ഇരുപതോ പേരടങ്ങുന്ന സംഘമായിട്ടായിരിക്കും ശബരിമലയില്‍ എത്തുക.ട്രസ്റ്റ് അംഗങ്ങളുമായുള്ള കൂടിക്കാഴ്ചയുടെ അടിസ്ഥാനത്തിലായിരിക്കും മറ്റു പദ്ധതികള്‍ ആവിഷ്‌കരിക്കുക. ജനാധിപത്യ മാര്‍ഗങ്ങളിലൂടെ അവകാശം നേടിയെടുക്കുമെന്നുീ തൃപ്തി ഡി എന്‍ എ പത്രത്തിന് നല്കിയ അഭിമുഖത്തില്‍ അറിയിച്ചു.
ആര്‍ത്തവമുള്ള സ്ത്രീകളെ ക്ഷേത്രത്തില്‍ പ്രവേശിപ്പിക്കില്ല എന്നതാണ് നിലവിലുള്ള ആചാരം. ആര്‍ത്തവമുള്ള ദിവസങ്ങളില്‍ മാത്രം പ്രവേശം നിഷേധിക്കുന്നതിനു പകരം മറ്റു ദിവസങ്ങളില്‍ സ്ത്രീകളെ തടയുന്നതെന്തിനാണെന്ന് അവര്‍ ചോദിച്ചു. ദൈവത്തിനു സ്ത്രീയെന്നോ പുരുഷനെന്നോ വേര്‍ തിരിവ് ഇല്ലെന്നും ഇത്തരത്തില്‍ ഒരു വേര്‍തിരിവ് ഉണ്ടാക്കിയത് പൗരൊഹിത്യമാണെന്നും അവര്‍ പറഞ്ഞു. മഹാരാഷ്ട്രയിലെ ശനി ഷിംഗ്‌നാപുര്‍, ത്രയംബകേശ്വര്‍ ക്ഷേത്രങ്ങളില്‍ സ്ത്രീകളെ പ്രവേശിപ്പിക്കണമെന്ന കോടതിവിധി നേടിയെടുത്തത് തൃപ്തി ദേശായിയുടെ നേതൃത്വത്തില്‍ പ്രവര്‍ത്തിക്കുന്ന ഭൂമാതാ ബ്രിഗേഡ് എന്ന സന്നദ്ധ സംഘടനയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha