'കെണിയില് പെട്ട എലിയുടെ അവസ്ഥയാണമ്മേ എനിക്ക്, പുറത്തു പോകാനും വയ്യ...' ഒരു മലയാളി സ്വവര്ഗാനുരാഗി അമ്മയ്ക്കെഴുതിയ തുറന്ന കത്ത്
സമൂഹത്തിലും കുടുംബത്തിലും ഏറ്റവും കൂടുതല് ദുരിതം പേറുന്നവരാണ് സ്വവര്ഗാനുരാഗികള്. അനുഭാവിക്കുന്നവര്ക്കല്ലാതെ മറ്റാര്ക്കും ആ ദുരിതം മനസിലാവില്ല. ഒരു സ്വവര്ഗാനുരാഗി തന്റെ ദുരിതങ്ങള് സ്വന്തം അമ്മയ്ക്ക് വിവരിച്ചു കൊണ്ടുള്ള ഒരു കത്താണ് ഇപ്പോള് സോഷ്യല് മീഡിയായിലെ ചര്ച്ചാ വിഷയം. തന്റെ നിസഹായതകളും ആശങ്കകളുമാണ് ഇയാള് ഈ കത്തില് വിവരിക്കുന്നത്. 'സ്നേഹം നിറഞ്ഞ എന്റെ അമ്മയ്ക്ക് ' എന്നു തുടങ്ങുന്ന കത്ത് കേരളത്തിലെ ലൈംഗിക ന്യൂനപക്ഷങ്ങളുടെ ഓണ്ലൈന് കൂട്ടായിമ്മയായ ക്വിയറളയിലാണ് പോസ്റ്റ് ചെയ്യ്തിരിക്കുന്നത്. യുവാവിന്റെ പേരോ കൂടുതല് വിവരങ്ങളോ പുറത്തു വിട്ടിട്ടില്ല.
''എന്നെ ഓര്ത്തു അമ്മ എത്രത്തോളം ദു:ഖിക്കുന്നു എന്ന് എനിക്ക് അറിയാം. അമ്മ ആഗ്രഹിക്കുന്ന പോലെ ഒരു ജീവിതം എനിക്ക് സാധിക്കില്ല. എന്നെ കൊണ്ട് ആകുന്ന വിധമെല്ലാം അമ്മക്ക് അഭിമാനം ഉണ്ടാകുന്ന മക്കളായി തീരാന് ഞങ്ങള് ശ്രമിച്ചു. അമ്മ ചാണകം വാരിയും പുല്ലു വെട്ടിയും, വളര്ത്തി വലുതാക്കി പഠിപ്പിച്ചു ഈ നിലയിലാക്കി. പക്ഷെ അമ്മ ആഗ്രഹിക്കുന്ന പോലെ ഒരു കുടുംബ ജീവിതം എനിക്ക് സാധിക്കില്ല. അമ്മ സന്തോഷം ആയിരിക്കാന് വേണ്ടി ഒരു പെണ്കുട്ടിയുടെ ജീവിതം തകര്ക്കാന് എനിക്ക് സാധിക്കില്ല. അങ്ങനെ അല്ല അമ്മ ഞങ്ങളെ വളര്ത്തിയത്. അമ്മക്ക് ചേട്ടനുണ്ട്. ചേട്ടന്റെ ഓമനയായ ഒരു മകളുണ്ട്.
അമ്മയെ വേദനിപ്പിക്കുന്നതില് എനിക്ക് ദു:ഖമുണ്ട്. പക്ഷെ ഇത് എന്റെ കുറ്റമല്ല അമ്മേ. ഈ ജീവിതം ഞാന് തിരഞ്ഞെടുത്തതും അല്ല. അങ്ങനെ തിരഞ്ഞെടുക്കാന് കഴിയുമെങ്കില് ഈ നശിച്ച ജീവിതം ഞാന് തിരഞ്ഞെടുക്കുമോ അമ്മേ? പകുതി ലോകം ഞങ്ങളെ പോലുള്ളവര് ജീവനോടെ കത്തണമെന്ന് ആഗ്രഹിക്കുന്നു. മിക്ക മത ഗ്രന്ഥങ്ങളിലും ഞങ്ങള്ക്കായി നരകത്തില് സീറ്റ് മാറ്റി വെച്ചിട്ടുണ്ട്. മിക്കവാറും ഞാന് ഒറ്റയ്ക്ക് ഏതെങ്കിലും നഴ്സിംഗ് ഹോമില് ആയിരിക്കും മരിക്കുക. ഒറ്റക്ക് തോന്നിയത് പോലെ ജീവിക്കാനോ ജീവിതം ആസ്വദിക്കാനോ അല്ല. എനിക്ക് വേറെ വഴി ഇല്ല അമ്മേ
എനിക്ക് ഒരു ചോയ്സ് ഉണ്ടായിരുന്നെങ്കില് ഇങ്ങനെ ഒരു ജീവിതം ഞാന് തിരഞ്ഞെടുക്കുമോ അ?മ്മേ? അമ്മയെ അറിഞ്ഞു കൊണ്ട് വേദനിപ്പിക്കുമോ? ധൈര്യമില്ല. അല്ലെങ്കില് എന്നേ അവസാനിപ്പിച്ചേനെ. എന്നെ പോലെ ഞാന് മാത്രമല്ല, ഒരു പാട് പേരുണ്ട്. കെണിയില് പെട്ട എലിയുടെ അവസ്ഥ ആണ്. പുറത്ത് പോകാനും വയ്യ. അവസാനം ഏതെങ്കിലും തോട്ടില് മുക്കി കൊല്ലുമെന്നും ഉറപ്പാണ്. ആ അവസ്ഥയാണ് ഞങ്ങള്ക്ക്. ജീവിക്കാന് അവകാശമില്ലത്തവര്…പലപ്പോഴും തോന്നിയിട്ടുണ്ട് ഞാന് ഒരു അനാഥന് ആയിരുന്നു എങ്കില് എന്ന്. ഞാന് മൂലം ദുഖിക്കാന് ആരുമില്ലായിരുന്നു എങ്കില് എന്ന്….'
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
